Blakkona ársins 2006

já, þá er það staðfest.

Fór í morgun að keppa á blakmóti sem haldið var í Mosfellsbæ. Þetta er einstaklingsmót og skráir maður stigin niður hjá sér. Þegar búið er að keppa 10x þá er sest niður og stigin talin. Að þessu sinni féll það í minn garð að vera með flest stiginn svo ég var blakkona ársins 2006 .

Ég er mjög kát með þessa niðurstöðu og fékk til eignar þennan fína bikar sem verður með nafni mínu á fljótlega

Gangið hægt um gleðinnar dyr í kvöld

Helga blakdrottning

2007

ótrúlega skrítið að hugsa til þess að Ástralir séu byrjaðir á nýju ári á meðan við eigum fjöl-marga klukkutíma eftir

Árið 2007 gengið í garð í Ástralíu

Blaðið í dag bls 21

Það er með ólíkindum hvað þessi mynd mín ætar að vera lengi á "lífi". Ég átti ekki til orð þegar ég var að fletta Blaðinu þegar ég sá myndina mína þekja hálfa síðu

byssur og bófar

það er hreint ótrúlegt hvað sumir þurfa að stunda skemmdarverk. Hvernig fóru þessir einstaklingar eða einstaklingur að því að fremja svona voðaverk án þess að neinn heyrði??

Ekki kæmi það á óvart að sá hinn sami hafi verið með hljóðdeyfi

Skotið á bifreið lögreglumanns á Blönduósi

há ló ken jú gó

Svona í alvöru talað, hversu lágt leggst fólk til að afla sér örfárra króna . Ef þetta er standardinn hjá fólki orðið er e-ð meira en lítið að.

„Rán" í Garðabæ reyndist vera sviðsett

Casino Royal

Við hjónaleysin gerðum okkur dagamun í gærkveldi. Ákváðum að skella okkur í bíó til að rifja upp þessa stemningu í bíósalnum. Við höfum jú verið dugleg að fara með krakkana á barnamyndir en þá hefur maður verið svo upptekinn við að gæta þess að börnin séu prúð og stillt og séu ekki að sparka í stólinn á næsta bekk fyrir framan svo maður situr ekkert afslappaður og fylgist eingöngu með myndinni. Eins förum við mjög oft í leikhús með krökkunum, það er mjög góð skemmtun fyrir alla fjölskylduna.

Við ákváðum semsagt að skella okkur í Regnbogann og ástæðan fyrir því vali var að þar var hún sýnd kl 22:20 eða einum 30 mín á undan Smárabíó sem er töluvert nær okkar heimahögum en Regnboginn.

Við komum í Regnbogann hæfilega tímanlega, skelltum okkur í miðasöluna og viti menn, það var UPPSELT á myndina . Ég lét hugann reika og athugaði daginn. Var viss um að hafa farið dagavillt, en nei, það VAR fimmtudagur og vinnudagur hjá lang-flestum næsta dag (allavega hjá mér). Konan í miðasölunni bauð okkur að kaupa miðana hjá sér í Smárabíó ef við vildum fara þangað. Við þáðum það og versluðum miðana. Höfðum nægan tíma svo við dóluðum okkur í Kópavoginn.

Þegar upp var komið í Smárabíó sáum við múg og margmenni. Aftur lét ég hugann reika og fékk það aftur út að það VAR fimmtudagur. Við biðum eftir því að bíósalurinn opnaði og þar sem ég er með þær sérþarfir að vilja sitja aftast, gætti ég mín á því að standa mjög nálægt dyrunum. Eitthvað voru starfsmenn bíósins seinir fyrir og var mannskapurinn farinn að ókyrrast þegar klukkan var orðin 23 en myndin átti að byrja samkvæmt áætlun 22:50.

Loks opnuðust dyrnar og ég laumaði mér inn með ösinni og náði tveimur sætum á aftasta bekk. Bíósalurinn fylltist á augabragði og auglýsingarnar byrjuðu ca 1 mín eftir að hurðin opnaðist.

Ég hallaði mér aftur í sætið og lét fara vel um mig með mitt popp og kók.

Bondinn byrjaði var sannfærð um að hafa villst á mynd þegar ég sá þenna líka myndarlega skolhærða, bláeygða og vel vaxinn mann akandi um á Ford bifreið. Ekki það að hann var ágætlega flottur en gat ekki betur séð en að bíllinn hafi verið af tegundinni Focus sem þykir ekkert rosa dýrir og flottir bílar . ég hugsaði með mér að þetta gæti ekki verið Bond him self, hann væri alltaf á einhverjum græjubíl. Svo þegar hann leit á klukkuna, þá sást ekkert í klukkuna, bara að hann hafi litið á hana til að fylgjast með tímanum. Í öllum hinum Bond myndunum sá maður að þetta var Rolex eða e-ð álíka . Enn hugsaði ég að þetta GETUR ekki verið Bond. Jæja, myndin byrjaði á þessu, strax upphófst spenna á fyrstu mínútunum. Myndin heltók mann strax í byrjun og gaf lítið eftir allan tímann. Góður söguþráður var á myndinni og maður hafði í raun aldrei það á tilfinningunni að maður væri að horfa á Bond. Þessi mynd hefði alveg geta verið bara "venjuleg" spennumynd. Stúlkurnar voru jú glæsilegar en Bondinn var ekki eins kvensamur og í flestum öðrum myndum. Ég held meira að segja að hann hafi bara sofið hjá tveimur konum í þessari mynd .

Þetta er hörku spennandi mynd og ég mæli með henni. Góð spenna allan tímann sem heldur manni við efnið. Flott tækni þó svo að sumt hafi verið full óraunverulegt þá tókst framleiðandanum að láta mann gleyma því að þetta gæti ekki verið svona.  Auðvitað er þetta rosalega fyrirsjáanlegt allt saman eins og allar þessar Bond myndir og fleiri til en það gerir ekkert til því maður var svo upptekinn af því sem var að gerast.

Ég var allavega ekki ósátt við að hafa borgað 900kr pr haus á þessa mynd + popp & kók

 

gvöööð

nú er ég sko hneyksluð. Svona ung börn úti svona seint. Aldrei gerði ég neitt svona  (ekki samt spyrja mömmu eða pabba )

Auðvitað finnst manni þetta rosalegt að ekki eldri börn en þetta skuli laumast út. Svo hugsar maður í eigin barm, ég var einu sinni á þessum aldri og var ekki barnanna best (dálítið uppreisnagjörn....ekkert mikið sko...*NOT*) Svo hinsvegar á ég eina dömu á þessum aldri og fæ alveg hnút í magann við þá tilhugsun að hún gæti fetað þessi sömu spor og ég á þessum tíma.  Eins gott að halda vel á spöðunum  

Lögregla batt enda á næturævintýri barnanna

gallabuxnabeib

ég hef einmitt velt þessu fyrir mér öðruhvoru þegar ég fer í frekar þröngar gallabuxur að ég eigi eftir að drepast á því að ganga í þeim  *NOT*. Ef ég fer í of þröngar gallabuxur, þá líður nú ekkert rosa langur tími þar til ég fer og skipti bara um buxur, brýt hinar saman og set þær undir allan buxnabunkann og hugsa með mér að þega ég hef lagt af eins og 300-500gr  (má sko ekki við meiru) þá geti ég sótt mér gallabuxur sem líta út eins og nýjar.

Kona eins og Victoria hafa svo alveg efni á því að kaupa sér við og við gallabuxur og þurfa ekkert að "safna" þeim fyrir mögru árin eða hugsa með sér að hún VERÐI að nota þær þar sem þær voru ekki á útsölu og voru dálítið dýrar, .....eða 3990kr

Mitt mottó er að kaupa ÞÆGILEG föt sem ég get gengið í þar til kemur gat

Viktoría Beckham óttast að gallabuxur verði sinn bani

örfáar raketturnar ha!

og af þessum 550þúsund ætla ég að skjóta svona ca 10 og kannski einni tertu....og ef ég þekki minn mann, fyrrum björgunarsveitarmann þá veit ég að hann kaupir einhvern slatta af þessu

550 þúsund flugeldum skotið upp um áramótin

sorglegt :(

Mér finnst þetta sorglegt hvað margir hafa látist í umferðinni í ár. Ég þekki engan þeirra persónulega og leyfist mér að segja sem betur fer. En það er eigi að síður sorglegt fyrir þá sem þekktu einhverja hinna látnu . Ég veit ekki alveg hvað er í gangi í umferðinni. Hún er jú orðin hraðari en áður en svo er það líka þetta blessaða gatnakerfi og göturnar á landinu yfir höfuð. Það virðist einfaldlega ekki vera hægt að finna "framtíðar" malbik sem ekki skemmist á mettíma . Það vill loða dálítið við mann að miða við önnur lönd eins og til dæmis Þýskaland en þá gleymir maður að taka inn í veðráttuna. Það hefur jú áhrif á malbikið líka. Eins er það líka að þegar verið er að hanna vegi og gatnamót, þá gleymist oft að horfa fram á veginn og til framtíðar. Oft á tíðum þegar framkvæmdirnar við veginn eru búnar, þá er hann orðinn of "lítill" fyrir umferðarþungann og aftur eru þeir á byrjunarreit.

Ég vil miklu frekar borga þessu hönnunarliði fyrir að skreppa til þeirra landa sem eru framarlega í gatnagerð og fá þá til að læra af þeim.

Eigi að síður er gatnakerfið okkar svona og fæst okkar hafa möguleika á að hafa áhrif á það. Verðum við því að taka því eins og hverju öðru hundsbiti.

Farið varlega í umferðinni og treystið ENGUM.

Alvarlegum slysum fjölgaði um 28,7% fyrstu tíu mánuði ársins