alveg að verða búið og búin á því!

Síðasti leikurinn er í dag kl 14:40 í Mýrinni. Þetta er orðið alveg ágætt og ágætis törn.

Í gær hittumst við heima hjá einni um kvöldið og elduðum saman. Auðvitað var hellingur skrafað eins og gengur og gerist í hópi kvenna. Við vorum 18 sem mættum í gær um kvöldið og svo um miðnætti þá ætluðu nokkrar......eða bara ansi margar að skella sér og kíkja á lífið í Garðabænum. Öskubuska fór bara heim og var komin heim um miðnætti....eins og hin kvöldin!

Í kvöld er svo lokahófið og verður það haldið í Ásgarði. Ég leyfi mér að efast um að ég verði komin heim um miðnætti!! Þetta flakk á bara svo illa við mig eitthvað  það er svo gott að vera heima hjá börnunum og manni, ég er náttúrulega ekki naut fyrir ekki neitt

Nú er bara að skella sér heim úr vinnunni, ná í búningana (sem vonandi eru orðnir þurrir) og skella sér á síðast leikinn.

Geðveiki eða þreyta

Allur dagurinn í gæri fór í blakið. Fjölskyldan sat á hakanum...eða bara áhorfandabekknum!! Stefán kom með þessa litlu að horfa á einn leik. Þetta er ekki það skemmtilegastas sem hann gerir svo hann lék einn duga á pallinum.  Þetta er rosalega stíf keyrsla að leika 3 leiki og hafa þá svona vítt og breitt yfir daginn. Maður getur aldrei sest niður til þess að slaka aðeins á og hvíla sig, ekki gat maður farið því maður þurfti að hvetja hin liðin okkar á pallinum svo maður var að bókstaflega frá 8-19. Þá hentist maður heim í sturtu og mín beið dýrindis máltíð sem Stefán var búinn að töfra fram úr handleggjunum . Við stelpurnar ætluðumt svo að hittast smá stund heima hjá einni. Ég var svo þreytt að ég ætlaði ekki að fara. Sigrún kvatti mig til þess að koma svo ég ákvað að drífa mig smá stund. Eins og Öskubuska, var ég komin heim rétt fyrir miðnætti og með það strunsaði ég í bólið og steinsofnaði ég á stundinni

Maður var vakinn svo með harðri hendi í morgun af þessari litlu sem var "rise´n shine" kl 9 og þá var friðurinn úti . Nú er maður bara að taka sig til fyrir ekki minna strembinn dag í dag. Fyrsti leikur er kl 13:40 og er hann á velli 8 í Garðabæ við sundlaugina en svo er annar leikur kl 17 og þá er á velli 6 en hann í Mýrinni, íþróttahúsinu við Fjölbrautarskólann. Svo á mánudaginn eigum við leik kl 13:50 á velli 10 í íþróttahúsinu við sundlaugina, held að það heiti bara Stjörnuheimilið!

.....hmm....ertu að spyrja hvernig er búið að ganga?? ......sko...ég er OFSALEGA upptekin núna...þarf að þjóta!!!

FBI - Special agent

Ég var að gera svona FBI skilríki fyrir blakið. Þemað hjá okkur er Sandra Bullock (var ákveðið af blaknefnd...ekki okkur) svo við höfum allar lagt höfuðið í bleyti um hvernig best er að takast á við þetta þema. Ég prentaði risa stórt "plaggat" út af andlitinu á S.Bullock og fór með til eins kennarans sem er með mér í blakinu, hún tók þessa mynd, setti hana á pappa og skar hana út, festi svo á beinagrind sem skólinn á og klæddi beinagrindina í uniformið okkar . Svo fengum við þær fréttir hvernig það gekk og sagði hún eftirfarandi: "Sandra er að taka á sig mynd og ætlar að mæta geðveikt fersk í fyrsta leik á laugardag... hefur aldrei litið betur út... enda búin að vera á ströngum megrunarkúr síðasta mánuð..!!! Hún titrar í hnjáliðunum af tilhlökkun...". Ég gerði svo FBI skilríki handa okkur öllum en við erum 20 í allt. Þegar ég fór að vinna þau, fannst mér glatað að hafa eina mynd af henni í þessum skilríkjum svo ég náði í 20 ólíkar myndir af SB svo hver og ein er með spes mynd. Setti svo "strikamerki" neðst á skilríkin (svona eins og þegar maður rennir í gegnum aðgangskerfi). Fór með svo skilríkin til forsvarsmanns hvers hóps fyrir sig. Það er óhætt að segja að þetta hafi fengið góðar viðtökur.

Það er ekkert endilega einhver ensk....eða útlensk meining á bakvið FBI...þetta getur sko alveg staðið fyrir "Félag Blak Iðkenda"

Ég reyndar byrja morgundaginn á því að mæta í Bjarkarhúsið kl 8 og vera ritari þar í keppni sem þar fer fram. Ég enda svo 10:30, það passar að ég skýst í Garðabæinn og keppi þar með mínu liði. Semsagt....ég sit ekki eirðarlaus þessa dagana

Hamingjan er heimatilbúin

Ég er loksins búin að fá bílinn minn aftur  þvílíkt hamingjusöm með lífið og tilveruna.

Ég fór svo með litluna mína í 5.ára sprautu í morgun. Hún er svo frábær þegar hún byrjar. Við vorum búnar að ræða þetta með sprautuna og allt það. Svo mætum við til læknisins sem var kona í þetta skiptið. Hún var að tala við Sunnu um þessa sprautu, litla dýrið sagði svo við lækninn að hún myndi sko ekki finna fyrir sprautunni....vegna þess að hún er með svo sterka vöðva . Það passaði allt, hún kveinkaði sér ekki undan sprautunni og fór sátt út, með verðlaun og ALLT

Ég fékk svo að heyra það hjá hjúkkunni að ég á ekki bara RISA smáan bíl...heldur líka RISA smáan krakka!!  Hún er ekki nema 102.8cm á hæð  sem gerir ca 2 "strikum" undir kúrfu. En hún náði 19kg svo hún er nú engin svaka beinagrind...enda finnst henni gott að borða...svipað og fleiri í fjölskyldunni

stess, hjartaáfall og lungnaþemba

Ég var viss um að ég kæmist ekki í gegnum daginn í dag. Ég þurfti að mæta á fund í skólann í hádeginu. Var að drepast úr hausverk, hjartatruflunum og sjóntruflunum. Anna vinkona var svo ótrúlega næs við mig að hún rétti mér bíllyklana sína og sagði mér að nota hann eftir þörfum. Hún ætlaði að fara á einn stað í hádeginu en dygði alveg að fara þegar ég kæmi til baka . Ég var að sjálfsögðu ótrúlega þakklát því að fá bílinn hennar lánaðan. Ég skrepp á fundinn, sæki hana svo eftir hann, förum á 2 staði í hádeginu. Unnum til 4, fórum þá að sækja stelpurnar á leikskólann, ég hentist með henni heim, aðstoðaði hana aðeins, hentist svo með litla dýrið mitt til vinkonu sinnar á meðan ég ætlaði í yfirhalningu á nöglum í Hafnarfjörð, hentist svo aftur heim þar sem ég vissi að mín biði ung stúlka sem ætlaði að fá vinnu hjá mér . Skaust svo í blakið (en þetta var síðasti tíminn fyrir öldung), kom heim og ruslaði eldhúsinu af, skellti mér í sturtu.....og viti menn...klukkuskömmin var orðin ELLEFU....og þá er kominn háttatími hjá minni....en þar sem ég hafði lofað að taka að mér verkefni ákvað ég að setjast niður og klára það. Nú er klukkan 1 AÐ NÓTTU og ég ekki enn farin að drullast í bólið...enda er Stefán að keyra einhverstaðar....hann var beðinn um að skjótast norður fram og til baka sama kvöld með einhverja varahluti, svo nú er enginn til að ýta við mér í rúmið  Enda er ekkert gott að fara að sofa þegar makann vantar

anyway þá hringdi sprautarinn og sagði að ég gæti sótt bílinn kl 8 í fyrramálið, passar fínt, Sunna er að fara í sprautu kl 8:30....eins gott...þoli ekki öllu lengur svona bíllaus. Ekki það að ég var svo góð við Önnu vinkonu að ég sagðist sækja hana bara í fyrramálið ....á hennar bíl að sjálfsögðu.

Gott að eiga góða að

Bíllaus og alveg að fara á límíngunum!

Ég skellti Yarisnum mínum í sprautun í gær. Ég er sko ekki að pjattast neitt....það var keyrt utan í mig og ég er að láta laga það núna. Nema hvað að ég er BÍLLAUS!! Það er SVAKALEGA erfitt að vera bíllaus....sérstaklega þegar maður þarf að þeytast fram og til baka endalaust.

Ég reyndi að pressa á sprautukallinn að vera búinn með bílinn í dag svo ég þurfi ekki að vera bíllaus á morgun...en allt kom fyrir ekki. Ég á að mæta til einkaþjálfans kl 8:15 í fyrramálið, 11:45 mætt á fund út í skóla hjá stelpunum, 17:00 í neglur í Hafnarfjörð, 20:00 á blakæfingu á Álftanesinu. Þess vegna er ÓMÖGULEGT að vera bíllaus!!!

OK....ef ég tek strætó í Sporthúsið þyrfti ég fyrst að fara með stelpuna labbandi í leikskólann, það er í lagi nema að ég yrði ekki mætt á réttum tíma í sporthúsið. Ég gæti tekið strætó á fundinn kl 11:45 á Álftanesið en þá þarf ég að taka strætó í Hafnarfirði til Garðabæjar og þar næði ég strætó 11:30 sem fer á nesið, eftir fundinn þarf ég að taka strætó af nesinu í Garðabæ og hann fer á klst fresti svo ég býst við að ná strætó kl 13 í Garðabæ, þar þyrfti ég að taka annan vagn sem færi í Hfj.....vá...þaðan þyrfti ég að ganga...eitthvað út í buskann.....og þá kemst ég að þeirri niðurstöðu ef ég kafa í málinu að ég myndi eyða milli 5-7 klst í strætó þennan dag ef ég tæki vagninn allt sem ég þyrfti að fara. Þá kemst ég að þeirri niðurstöðu að ég næ ekki að vinna nema í 10 mínútur í vinnunni þegar á heildina er litið....sem þýðir....að ég VERÐ AÐ FÁ BÍLINN MINN AFTUR

Ég fer að þurfa áfallahjálp með þessu áframhaldi!!

flottust

Ég sá þessa mynd hjá Viktoríu og varð alveg heilluð. Þetta er náttúrulega svo flott stelpa og hæfileikarík....eins og mamman

NETT GRÍN.....EÐA EKKI

Dísess hvað þetta er brenglað!!

Ég fékk semsagt mail um að athugasemd við eina mynd hafi verið rituð...þetta var niðurstaðan!!

Ætli fleiri hafi lent í því að fá boð um að skoða "pronó" síður??

http://hlinnet.blog.is/album/breytingar/image/158827/#comment282558

ég vil taka það skýrt fram að ég hef ekki smellt á linkinn sem fylgir þessu, ég ætla að eyða þessu út fljótlega, vil bara fá komment hvort aðrir hafi lent í þessu....

lang flottust!

Dísin mín var að fara að keppa í fótbolta í morgun og var það ákveðið að ég myndi skutla stelpunum í Gróttu heimilið í morgun. Ég var að fara að vinna svo við urðum að leggja snemma af stað til að ég yrði ekki mjög sein í vinnuna. Þar sem Stefán er að vinna líka, varð ég að taka litla skottið með mér í vinnuna en Stefán ætlar svo að sækja hana í hádeginu.

Við hentumst út kl 9:30 í morgun, ég með mitt hafurtask eins og mér einni er lagið, skellti kerfinu í gang og læsti húsinu. Þegar við vorum komnar langleiðina inn í Reykjavík spyr litla skottið mitt hvar Viktoría sé. Ég hugsa mig um smá stund og fatta allt í einu að hún er SOFAND HEIMA og þjófavarnakerfið í gangi!!  Í dauðans ofboði hringi ég í Viktoríu en hún var að sjálfsögðu sofandi og heyrði ekkert í símanum. Ég var farin að fá pínu panik-kast og fór að velta því fyrir mér hvernig ég geti aðvarað hana. Skyndilega hringir daman til baka, hálf sofandi og ég segi við hana hvað ég hafi gert. Hún hló bara að þessu....ég vona að hún hafi meðtekið skilaboðin

Löng helgi

Ég komst skyndilega að þeirri niðurstöðu að ég gæti sko alveg vanist því að vinna "bara 3 daga vikunnar og fríi í 4!! Leikskólinn er lokaður á morgun svo við mæðgur ætlum að vera í "fríi" á morgun saman. Hún hefur verið óskaplega erfið að fara á leikskólann á morgnana og viljað bara vera utan um hálsinn á mér. Ég veit ekki hvað hljóp í barnið, henni hefur alltaf þótt óskaplega gaman á leikskólanum fram til þessa. Vonandi er þetta eitthvað sem rjátlast af henni  fljótlega, ég þoli allavega ekki mikið lengur við sjálf!

Ég mætti að sjálfsögðu í ræktina á miðvikudag og þegar ég hitti þjálfann var hann með "pakka" til mín. Ég fékk semsagt verðlaun fyrir góða mætingu og öflugt hugarfar . Ég gæti alveg vanist því að fá verðlaun sko

Hjólreiðadagur fjölskyldunnar fór fram í dag. Í stað þess að fara í einhverjar þröngar og leiðinlegar skrúðgöngur, skelltum við okkur á reiðfákana og fórum í nettan hjólreiðatúr. Reyndar var þetta 100% gluggaveður....en það er jú SUMARDAGURINN FYRSTI!! Við klæddum okkur bara samkvæmt veðri og hjóluðum smá spotta með famiíuna og að sjálfsögðu voru allir "löggildir" með hjálma