Vísir býður í bíó

ég fékk einn auglýsinga e-mailið um daginn frá visir.is. Þar var manni boðið að taka þátt í einhverskonar bíó potti, maður þurfti bara að setja nafn og gsm númer og samþykja að gera visir.is að upphafssíðu í tölvunni og þá var maður kominn í pottinn. Þeir draga út nokkra vinningshafa sem geta skellt sér í bíó.  Ég fór í gegnum allt ferlið og ýtti á samþykkja og svo kom að vinningshafar fá sms.

Mér til mikillar undrunar fékk ég sms. Það barst rétt upp úr kl 12 á hádegi nokkrum dögum síðar og í skeytinu stóð að það yrði að sækja miðana fyrir kl 16 og svo hvert. Ég var akkúrat á leiðinni út þegar ég fékk skeytið og hugsaði mér þá bara að skjótast og sækja miðana og klára útstáelsið í leiðinni.

Ég mæti á staðinn, rétt klukkutíma eftir skeytið en þegar ég ætla að opna dyrnar sá ég að það var búið að líma á hurðina A4 blað: "Vinningshafar á visir.is, athugið að miðarnir eru búnir"

Ég leit á klukkuna og ákvað að kafa í skilaboðin, laukrétt, það var rétt liðinn klukkutími frá því ég fékk skeytið!

Mér fannst þetta frekar lélegt og þeir eru alveg búnir að fyrirgera því að ég taki þátt í svona skrípaleik aftur.

Athugasemdir

[Gunnar Helgi Eysteinsson, 1.9.2007 kl. 08:50]

Þvílíkur ruddaskapur