tásur og litlir puttar

Enn og aftur er lítill pjakkur að nafni Jón Karl fyrirsætan mín.

 

Það væri gaman að heyra álit þitt um þessar tilraunir mínar.

 

Auglýsing

Nú erum við búin að sitja sveitt við að smíða heimasíðu fyrir Teiknistofuna sem ég vinn hjá. Jóhann bróðir sá um að smíða vefinn, ég tók allar myndirnar og teiknaði og mataði í drenginn og sat ofan á öxlunum á honum með útlitið og arkitektinn fékk að vera með  frábær samvinna.

endilega kíktu á vefinn...

www.tulnet.tk

Lúxus James Bond og dugnaður í sterastubb

Við gerðumst ótrúlega dugleg ég og Stefán og fórum snemma á sunnudagsmorgninum heim til kokksa til að aðstoða við að úrbeina eins og eitt stykki naut og hakka. Óhætt er að segja að þetta sé mikil vinna og lauk okkar vinnu ekki fyrr en um eða uppúr kl 21 þennan sama dag.

Ekki var minni dugnaðurinn í minni þegar hún ákvað að búa til litlar partý-bollur og vísir að kjöthleif. Dugnaðurinn var svo mikill að á mánudeginum skreið ég til gigtarlæknisins og bað um miskunn. Öxlin var gjörsamlega að drepa mig (og bakið) að hann ákvað að létta mér lífið í ca mánuð (og kannski lengur) með því að sprauta sterum í öxlina til að létta á bólgnum sinum sem er afleiðing af árekstrinum mínum í fyrra. svo þegar hann pikkaði og potaði í bakið á mér fannst honum líklegt að ég væri með slitgigt í bakinu sem er líka bein afleiðing af þessu slysi. Ótrúlegt hvað þetta hefur mikil áhrif allt saman. Hann ákvað að senda mig í röntgen til öryggis.

Ég benti lækninum á það að maður væri svo ónýtur að þó maður myndi pakka sjálfum sér í poka og færi í Sorpu, þá yrði ekki einu sinni tekið við mér sem eiturefna úrgangi/óendurvinnanlegt, svo ónýtt er í manni!

Allavega þá er slatti af partý-bollum og sviknum hérum komið í frost ásamt öllu öðru kjöti.

Eitt næ ég þó að gera án teljandi vandræða og það er að mynda....Thank god!

Skellum okkur svo á myndina James Bond og það í lúxus sal. Ég hef aldrei prufað þetta áður og þegar Stefán settist í stólinn hét hann því að fara ekki aftur í bíó nema í lúxus sal! Þar með eru okkar bíóferðir afskrifaðar...ekki ætla ég að borga alla þessa peninga fyrir það eitt að sitja í Lazy-boy!!

Ég fór svo til Önnu vinkonu til að mynda krakkana hennar en litla villidýrið mitt komst í fjarstýringuna og fór að mynda sjálfan sig á fullu!!!!

 

Sætar vinkonur

 

Macro getraun

Hér er hlutur sem við þekkjum flest öll.

Hvað er þetta?

Þetta birtist náttúrulega á forsíðunni svo það er ekki hægt að leyna því að þetta er mandarínubörkur.

Sætir krakkar

Mér fannst rosalega gaman að taka myndirnar af krökkunum í gær. Gaf mér heilan helling.

Hér eru svo nokkrar í viðbót.

 

 

sætar táslur

Ég fór til vinkonu minnar að taka myndir af kökkunum hennar og nýfæddum syni. Stóðst ekki mátið að taka mynd af táslunum af gutta.

Hér eru 10 krúttlegar tásur.

upprifjun

Ég fékk það verkefni í vinnunni að setja upp heimasíðu fyrir stofuna. Mér fannst það mjög ögrandi verkefni því ég hef ekki sett upp heimasíðu frá grunni síðan ég var í Háskólanum í Reykjavík.

Ég ákvað að grafa upp síðuna sem ég gerði þá og kom það sjálfri mér meira að segja á óvart hvað hún var vel gerði!

Síðuna má finna hér en það þarf að leyfa henni að hlaða sér inn smá stund og svo eftir það er ekkert mál að vafra um fram og til baka. 

James Bond í kreppu!

Snilldar myndband.

 

falin myndavél á hárgreiðslustofu

ekki fyrir lofthrædda!