sú eina sanna

ég átti mjög skemmtilegt símtal í vinnunni nú í morgun. Það hringdi maður til að athuga stöðu á sendingu til Suðureyrar. Ég vissi hver maðurinn var, þekkti hann fyrir margt löngu en ég var svosem ekkert að upplýsa það á staðnum. Ég sagði við þennan einstakling (sem ég hef ekki hitt í 11 ár) að ég skyldi hringja í hann til baka um leið og ég finn út hver staðan væri á sendingunni til hans.

Ég finn svo út stöðuna og hringi til baka og kynni mig fullu nafni. Það kom hik og hann spurði aftur: "fyrirgefðu, hvað sagðistu heita?" Ég svara því auðfúslega og vissi að hann hefði kannast við mig á eftirnafninu. Þá spyr hann aftur: "ha...sú eina sanna?!"  En það er einmitt heitið mitt hér á blogginu...sú eina sanna. Það er víst engin alnafna hér á landi svo ég er sú eina og sanna.

Athugasemdir

[Eyrún Linnet, 5.11.2007 kl. 11:04]

Ég er sko líka hin eina sanna

[Jóna Á. Gísladóttir, 5.11.2007 kl. 12:28]

Svakalega er þetta bleik síða hjá þér

takk fyrir bónorðið.

Ekki amalegt að vera ''sú eina sanna''