Árrisull pottormur

Litla skottið mitt fór í útskriftaferðalag með leikskólanum á fimmtudaginn. Spurning um hvor átti erfiðara þegar var verið að kveðja.......okey...feisum það....mamman átti bara nokkuð erfitt að sleppa höndina af "litla" barninu sínu og sjá á eftir henni í ferðalag.

Sunna var svo spennt að fara að hún hefði vilja vera búin að pakka niður mörgum dögum fyrir brottför. Fannst geggjað að hún væri í hóp með Ástu vinkonu sinni og Elvu líka. Bað mig samt um að sækja sig um leið og hún kæmi til baka á föstudeginum.

Ég sótti svo kátan krakka í leikskólann í hádeginu á föstudag. Fórum heim að fá okkur að borða og með það var hún svo farin út aftur. Þetta barn fær ALDREI nóg af samveru við vinkonur sínar.

Um kvöldið dreif ég hana svo bara í bað og ákvað að leyfa henni að vera vakandi til að verða hálf ellefu í þeirri veiku von um að hún myndi sofa aðeins lengur en vanalega.

06:30 heyri ég að sjónvarpið var tjúnað í stofunni  

06:45 kemur hún til mín og spyr hvort hún megi ekki heimsækja Fanney vinkonu sína

06:55 heimtaði hún morgunmat

07:30 gerði hún aðra tilraun með að fá að fara til vinkonu sinnar

08:00 var aftur spurt og í örvæntingu sinni eftir 3 neitunina spurði hún HVENÆR hún mætti eiginlega fara til hennar!!

Ég drattaðist svo á fætur fljótlega og fór í sturtu. Eins og þægum krakka sæmir fékk ég nú ekki að vera í friði í sturtunni svo hún var bara stutt.

Drattaðist svo í skólann, átti að vera mætt kl 9:00 og nú sit ég gjörsamlega að leka ofan í klofið á mér. Heyri stundum bara óminn í kennaranum og samhengislaust reyni ég að fylgja eftir....en með takmörkuðum árangri.

Dagurinn í dag verður þétt skipaður. Dísin mín fagra fór vestur í gær með frænda sínum og frænku og er planið að fljúga vestur í dag. Ferming á morgun hjá tveimur frændum svo maður verður að láta sjá sig. Fer ein og skil minn elskulega eiginmann eftir heima með yngsta grísinn (sem ég vona svo sannarlega að hún hlífi pabba sínum ekkert frekar en mér á morgun ) og svo dramatísku drottninguna en hún þarf að læra undir próf.

Planið er svo að keyra heim með frænda og frænku á mánudaginn.

Athugasemdir

[Gunnar Helgi Eysteinsson, 11.5.2008 kl. 11:51]

Ég kannast við þessa tilfinningu en that's life

[Lilja G. Bolladóttir, 14.5.2008 kl. 01:02]

Þú sefur bara út næstu helgi, Helga mín, og þá á ensku í London!!