Söknuður

Söknuður

Mér finnst ég varla heill, né hálfur maður,
og heldur ósjálfbjarga, því er verr.
Ef þú værir hjá mér, vildi ég glaður
verða betri en ég er.

Eitt sinn verða allir menn að deyja
eftir bjartan daginn kemur nótt.
Ég harma það, en samt ég verð að segja
að sumarið líður allt of fljótt.

Við gætum sungið, gengið um,
gleymt okkur hjá blómunum,
er rökkvar, ráðið stjörnumál,
gengið saman hönd í hönd,
hæglát farið niðrað strönd.
Fundið stað,
sameinað
beggja sál.

Horfið er nú sumarið og sólin
í sálu minni hefur gríma völd.
Í æsku léttu ís og myrkur jólin,
nú einn ég sit um vetrarkvöld.

Því eitt sinn verða allir menn að deyja.
Eftir bjartan daginn kemur nótt.
Ég harma það, en samt ég verð að segja,
að sumarið líður allt of fljótt.

Ég gái út um gluggann minn.
hvort gangir þú um hliðið inn.
Mér alltaf sýnist ég sjái þig.
Ég rýni út um rifurnar,
ég reyndar sé þig alls staðar,
þá napurt er.
Það næðir hér
og nístir mig.

Vilhjálmur Vilhjálmsson

Með þessum laglínum kveð ég ömmu í Sunnuhlíð í hinsta sinn. Hún verður borin til grafar á föstudaginn.

Þessi mynd er tekin 5 dögum fyrir andlát hennar. Yndislegri konu hef ég ekki kynnst.

Athugasemdir

[Linda Linnet Hilmarsdóttir, 3.9.2008 kl. 13:40]

Innilegar samúðarkveðjur til ykkar elsku Helga mín

[Þórey Ósk (IP-tala skráð) 4.9.2008 kl. 11:10]

Ég samhryggist innilega.

[Sóley (IP-tala skráð) 5.9.2008 kl. 09:27]

Samhryggist innilega