Töfrar!

Hér á eftir er að finna sýnishorn af hreinum töfrum sem urðu til á heimili mínu.

Ég og ÓH frænka vorum eins og svo oft áður á flækingi og í eitt skipti í RL-búðinni. Við gengum á milli rekka til að fá hugmynd að stúdíógerð.

Þegar við gengum framhjá einum rekkanum rak ÓH augun í kerruplast á minni gerð af kerrum. Hún tók andköf yfir því og greip einn pakka og sagðist endilega vilja sauma sér regnkápu úr kerruplastinu. Ég horfði á hana agndofa og neitaði að taka þátt í því...til að byrja með. Hún setti upp hvolpa augun og þrjósku svipinn svo ég gaf mig og sagðist ætla að aðstoða hana.

Hún keypti 3 pakka af þessu plasti og heim fórum við að sníða eitt stykki kápu.

Ég var ekki viss hvernig saumavélin myndi höndla svona gúmmí plast en ákvað að láta deigan ekki síga.

Eftir margar umferðir af bölvi og ragni, slatta af geðvonsku kasti, helling af fýlu, heilmörg gleðitár ótal klukkutíma og ótrúlega þolinmæði í okkur frænkunum þá hafðist þetta allt saman og útkoman var bara nokkuð góð.

Dæmi hver sem vill en hér er mín fallega frænka komin í kápuna flottu sem hér eftir verður kölluð Prada kápan hennar ÓH.

Segið svo að þetta sé ekki geranlegt

Fleiri fjölskyldu meðlimir voru svo myndaðir í tilefni áfangans

 

 

 

 

 

Athugasemdir

[Rósa mamma (IP-tala skráð) 5.3.2009 kl. 21:29]

Ég á greinilega  efnilegar dætur. Þetta er æðisleg kápa, það hefur verið ERFITT að sauma og ekki hægt að rekja upp svo það hefur engu mátt skeika. Svo skemma fyrisæturnar ekki fyrir,hvernig væri að sauma aðra á þig,þá gætirðu verið í þínu fínasta pússi og engin kápa til að fela útsýnið; ég tek það fram að ég býðst ekki til að taka það að mér

Ég er mjög hrifin að myndunum ykkar þið eruð alltaf að batna og ég hélt að það væri ekki hægt eftir að ég sá verðlaunamyndina þína um árið.

[Lilja G. Bolladóttir, 16.3.2009 kl. 19:53]

Ótrúlega flott kápa!! Þið klárar