döööh

Ég vinn á "efri hæð" og þarf að ganga upp tröppur....ég veit vel að það er hættulegt að ganga upp tröppurnar og enn meiri hætta á að ganga niður tröppurnar......EF hnéið skyldi bila allt í einu. Ég er í skóla upp á Höfða og þarf að keyra þangað, ég veit að það er hættulegt að keyra í skólann. Ég reyni að fara varlega hvort sem ég geng upp/niður tröppur eða ek bíl með/án barna en ef eitthvað kemur uppá og ég eða börnin slasast, þá reynir maður að fá einhverjar slysabætur. Ég veit ekki betur en að fólk sem lendir í bílslysi, hvort sem það átti "sökina" á því eða ekki, fái bætur.

Að hafna þessum manni um bætur á þeim forsendum að hann vissi vel af hættunni við að ganga inn á blautt gólf og fara ekki nógu gætilega er náttúrulega bara firra. Ég er ekki að segja að maðurinn hefði átt að fá einhverjar millur í sárabætur, allavega viðurkenningu á því að þetta var ekki gott. Fyrirtæki ættu að vera skyld til að taka ábyrgð.

Bónus ekki bótaskylt vegna slyss í verslun

Athugasemdir

[Óli (IP-tala skráð) 18.12.2006 kl. 13:34]

að vera að kæra yfir einhverju óhappi er bara rugl, ef þú dettur útá götu, ætlaru þá að kæra borgina. fólk verður að læra að axla meiri ábyrgð. hvað er næst, kærum kjörís afþví að við borðuðum ís en fengum lungnabólgu, þetta eru ekki bandaríkin og verum ánægð með það

[Helga Linnet, 18.12.2006 kl. 14:14]

Ég er líka aðallega að meina það að fyrirtæki reyna oft að sleppa því að axla ábyrgð oft á tíðum. Ég er alveg sammála því að vera ekki að kæra einn né neinn eða haga sér eins og bandaríkjamenn og kæra bókstaflega alla. Hinsvegar var ég að meina það líka að við erum að kaupa okkur slysatryggingu hjá tryggingafyrirtækjum og við eigum að fá greitt fyrir óhöppin því sem næst nemur þeim missi sem við verðum af, af tekjum. Oft á tíðum fær maður ekki bætur fyrr en eftir 6 vikur ef maður er lengi veikur en hver lendir ekki í greiðslu örðugleikum fyrir þann tíma?!?!

Eitt dæmi um fáránleika varðandi slys er að ein eldri kona sem ég þekki fór í verslun í Reykjavík, þar fer hún inn um "rúlluhurð" og hurðin skellur á henni með þeim afleiðingum að hún dettur og lærbrotnar. Ástæðan var sú að hurðin var ekki "rétt stillt" og það sem ráðendur þessa fyrirtækja gerðu var bara að ypta upp öxlum. Þrátt fyrir að ár sé liðið frá þessu óhappi, þá er þessi kona enn mjög slæm til gangs. Hver á að borga brúsann þarna? Hver ber ábyrgð á þessu slysi?