Hótel Saga er málið

Á laugardaginn var okkur boðið á jólahlaðborð með eigendum www.sturta.is og starfsfólki á Hótel Sögu. Okkur var þjónað í súpuna og forrétinn og var þetta rosalega flott allt saman. Ekki skemmti það að þetta var borið fram í þvílíkt flottu leirtaui. Ég gjörsamlega féll í stafi þegar ég sá þetta. Súpan var borin fram í hálfgerðum kaffibolla (en er að sjálfsögðu ekki kaffibolli) og forrétturinn var borinn fram á rosalega flottum diski.

ég var svo ástfangin af þessu leirtaui. Spurning um að drífa sig í að gifta sig svo maður fái svona flott

 þetta sem er lengst til hægri var súpuskálin með undirskál fyrir brauð og smjörhnífinn.

hér er svo stellið sem ég er svo skotin í 

http://www.villeroy-boch.com/index.php?id=276&C=IS&L=en&user_ocrprefix=2525

En maturinn þarna á Sögu var alveg frábært. Aðalrétturinn var rosa góður og fjölbreyttur og svo ég tala nú ekki um eftirrétturinn....úff...slurp og slef...þetta var amazing .

Anyway. Drífa og Gunni...takk fyrir okkur. Frábært kvöld með frábæru fólki

 

Stekkjarstaur kom fyrstur

Það voru kátar stelpur sem skriðu upp í rúm til mín í morgun, afar ánægður með afrakstur jólasveinsins og skógjöfina hans. Þær fengur "skartgripi" frá sveinka, þessi eldri fékk armband og hring en þessi yngri fékk hálsmen og hring. Engin smá hamingja á ferð. Ég varð eiginlega bara abbó út í þennan jólasvein  spurning um að kynnast honum aðeins betur og athuga hvort ég geti ekki sett skóinn út í glugga líka, kannski ég fái bara nýjan bíl.....eða bara líka svona flotta skartgripi .

Næst síðasta prófið var í morgun, ég vil nú helst ekki tjá mig um gengið....þetta var ansi þungt próf . þetta kemur í ljós. Ég fór bara beint að vinna eftir prófið og áttaði mig á því hvað það var gott að fara að vinna....án þess að þurfa að fara að læra . Ég fæ nokkra mánuði í pásu núna. það verður gott að hvíla sig á þessu námi. Það góða við þetta allt saman er að þetta tekur enda .

jæja, ég er örþreytt eftir daginn í dag....og ætla að njóta þess að hvíla mig smá. Ætla víst að vinna allan daginn á morgun. Það verður viðbrigði.

until later

jólasveinninn minn, jólasveinninn minn ætlar að kom'í kvöld

Já, það er víst komið að þessum rauðklædda að koma og gleðja börnin. Það er mikil tilhlökkun á þessu heimili að fá sveinka, hann er víst voða gjafmildur segja börnin, annað en mamman þegar farið er í verslunarleiðangur  hún vill ekki kaupa allt sem börnin girnast og er þar af leiðandi ótrúlega erfið mamma. *dæs* jæja, það verður bara að hafa það.

Það er allt að gerast á sama tímapunktinum í þessu lífi. Ekki bara það að ég er að drukkna yfir þessum lærdómi þá hrynja inn um e-mailin hjá mér tilkynningar varðandi íþróttastarfið hjá krökkunum. Viktoría er að fara til Ítalíu 4-18 ágúst í æfingabúðir með fimleikunum og svo fer fótboltinn hjá Söndru Dís 9-16 júní til Danmerkur í æfingabúðir en svo ætluðum við með alla krakkana út í sumarhús í viku jafnvel til Danmerkur eða e-ð álíka í júl/ág . Ég get ekki beinlínis séð að það gangi upp ef stelpurnar fara þarna sitt hvoru megin við. Sérstaklega í ljósi þess að ég á ekki peningaplöntu í skúrnum . Ég er líka rosalega efins um brottfar Söndru Dísar með fótboltanum nema að það fari einhver með sem getur tekist á við hana. það fara 2 foreldrar með og ég hefði gjarnan vilja vera eitt foreldrið til að geta fylgt Dísinni minni þar sem hún er með "sérþarfir" en ég veit ekki hvort búið sé að fast-negla þessa foreldra sem fara með. Mér var sagt það að næsti foreldra fundur sé í janúar....týpískt að hann verði þegar við Stefán verðum út á Kúbu

jæja. Næst síðasta prófið verður eftir sléttar 7klst og 45 mín svo ég verð víst að fara að halla mér

Er samt að spá í að taka róandi fyrir próf

Helga í lognmollunni miklu!!

meiri mat, minni snjó, meira frí

Jæja, þá er enn eitt prófið búið og maður farinn að undirbúa það næsta . ég er svo að míga á mig af prófstressi að það er ekki fyndið. Fæ svitakast rétt áður en ég legg af stað að heiman, hjartsláttar truflanir þegar ég er á leiðinni og hnéin bera mig ekki upp stigann á leið inn í stofuna og er með niðurgang og ógleði yfir þessu öllu . Hrikalegt að vera svona stressaður fyrir próf. Ég fór semsagt í enskupróf í morgun og svo 2 mín. áður en prófið átti að hefjast segir ein bekkjavinkona mín: "þú veist að þú ert fyrst inn til prófdómarans á eftir" .....ég leit á hana og fraus  ég var ekki búin að átta mig á því að ég væri fyrst...þetta átti semsagt að vera sprettur úr prófi og inn til prófdómara......úff...þetta bætti ekki á ógleðina . Ég var svo byrjuð að taka prófið og var sveitt yfir því að ans$% munnlega dæmið væri strax á eftir, var búin að gera RÁÐ fyrir því að ég yrði í "miðjunni" eins og ALLTAF og ætlaði að nýta þann tíma til þess að undirbúa mig en ég þurfti víst að koma með eigið efni og halda "fyrirlestur" hjá þessum prófdómara. Ég var búin að sitja í prófinu í einhverjar 20 mín. þegar enskukennarinn minn kemur inn og segir við mig að ég verði fyrst og hún hafi sett mig fyrst þar sem hún bjóst við að ég vildi klára þetta af . Æi, mér fannst það ótrúlega sætt af henni. Ég hef mætt frekar illa í tíma hjá henni í vetur þar sem ég hef endalaust verið í veikindabrasi með Dísina mína og þá var "hentugast" að hitta læknana á öðrum tíma en á stærðfræðinni . Hún bauð mér að skipta við eina sem var að fara í annað próf strax á eftir enskunni og ég yrði þá númer 4 í staðinn. Ég þáði það með þökkum og var afskaplega þakklát fyrir þennan velgjörð í minn garð.

Ég fékk þá eina 2 tíma til að undirbúa mig betur og nýtti hann svona næstum til fulls.....en það lagaði ekkert stressið hjá mér.....frekar jók það ef e-ð var. Auðvitað var ég svo "HEPPIN" að draga næstum því EINU söguna sem ég vildi alls ekki fá! . Ég var e-ð fámál og þurfti að "trekkja" mig ansi stíft í gang. Ég vann aðeins á þegar á leið. Svo kom að glærunum og þessum fyrirlestri og ég hélt að ég yrði ekki eldri.....jeremías hvað þetta var erfitt. Anyway...þetta er BÚIÐ og ég ætla sko að brenna bækurnar á eftir . Nú er það bara næsta próf og ekki veitir mér af að læra undir það......

Er að fá heimsókn frá hjónum sem búa á Dalvík. Þau ætla að vera helgina og fengu að gista hjá okkur. Það var ekkert mál en ég gerði þeim það ljóst að þau væru velkomin að gista og allt það en þau yrðu alveg að átta sig á því að þau fengju lykla af húsinu og yrðu að hjálpa sér sjálf....ég er UPPTEKIN . Þau voru alveg sátt við það....bara að fá rúm til að gista í

 þar til síðar......

Helga með prófkvíðann

já, það styttist

Ég fór víst í stærðfæðipróf í gær. Ég er bara því miður EKKI ein af þeim sem les stærðfræði eins og opna bók  vildi óska þess samt stundum. En ég sá samt pínu ljósið þegar ég var að læra með vinkonum mínum þeim Addú og Siggu . Addú er náttúrulega bara ENGILL í dulargerfi . Ég geri mér fulla grein fyrir því að ég er ógeðslega erfið þegar kemur að stærðfræðinni og geri ekki annað en að spyrja hana út úr, því hún jú gæti lesið Calculus bókina okkar eins og eina mestu spennusögu sem maður gæti lesið . Ég var samt með niðurgang af stressi fyrir þetta próf þar sem mér fannst ég ekki kunna NEITT.....en...ljósið var á hinum endanum og ég náði að glugga aðeins í það áður en við fórum í prófið. Svo þegar ég skoða prófið í próftímanum og les yfir þetta, færðist hálfgerð ró yfir mig. Þetta var alls ekki LÉTT próf en ótrúlega sanngjarnt próf í alla staði. Þessi kennari er hreint út sagt frábær. Ekki neinar svona "tricky" spurningar, aðeins pínu útúrsnúningar öðru hvoru en ef maður sá við því var þetta ekkert mál . Ég geri mig grein fyrir því að ég dúxaði ekkert í stærðfræðinni en ég dúxaði í henni á minn hátt. Ég á reyndar eftir að fá út úr þessu en ég VEIT að ég náði þessu og rúmlega það  (annað en helv eðlisfræðin).

Á morgun fer ég í enskupróf...sem er alveg í lagi....nema nú verða prófdómarar sem spyrja mann spjörunum út úr og maður þarf víst að halda einhvern fyrirlestur á ensku líka fyrir framan prófdómara  Ég er bara svo rög og óörugg þegar kemur að þessu...og hvað þá að halda fyrirlestur fyrir framan einhverja gúbba sem ég þekki ekki rass í bala

jæja...ætla að læra e-ð.....ef ég get...er með eina litla hrikalega þreytta litla mömmustelpu

réttupphend sem er pirraður! UPPHENDUPPHENDUPPHEND!!

JÁ, það er ÉG....HRIKALEGA pirruð í dag.

Ég er búin að sitja alla helgina og læra undir eðlisfræðiprófið sem var í morgun. Mér hefur gengið alveg ágætlega í eðlisfræðinni í vetur. Fengið ágætis einkunnir og fínerí. En það breytti því ekki að ég þurfti að læra fyrir prófið.....og það vel. Jú, við sátum 3 vinkonurnar og lærðum mjög samviskusamlega. Allavega gekk manni það vel að það örlaði fyrir brosi við tilhugsunina um prófið . Ég ætlaði sko svo sannarlega að hafa tímann fyrir mér í morgun. Ég kom ekki svo seint heim í gær að ég fór snemma í rúmið (þannig lagað séð) og vaknaði á ágætis tíma. átti meira að segja smá "quality moment" með börnunum í morgun . Ætlaði að vera tímanlega þar sem prófið átti að byrja kl 9 og búið 12:45. Ég fer með allt draslið út í bíl í nokkrum "hollum" og spenni Sunnu í bílinn og fer í leikskólann með hana. Jú, allt samkvæmt áætlun. Klukkan er 8:40 og ég er rétt að komast að Smáralindinni þegar ég uppgötva skyndilega að ég er ekki með töskuna mína  og þar sem þetta er gagnapróf þá vantaði mig ÖLL gögnin og ALLAR formúlurnar. Það var ekkert annað hægt en að snúa við á staðnum og aka á ILLEGAL ferð heim til að ná í töskuna. Ég var náttúrulega ógeðslega pirruð út í sjálfan mig að hafa tekið töskuna úr bílnum í gær en þar sem eg var að burðast með leikskólatöskuna hennar H.Sunnu fannst mér ég vera búin að taka mína tösku líka. Ég hendist heim í stresskasti dauðans og næ í töskuna og bruna aftur upp í skóla. Auðvitað varð mér gríðarlega flökurt við þetta allt saman, ekki bara að maður væri nett stressaður fyrir prófið almennt séð að þetta bætti það ekki. Ég er svo komin upp í skóla 9:10 og settist í stólinn. Það var um það bil að líða yfir mig, svo þegar ég leit á prófið hugsaði ég með mér : "á hvaða tungumáli ætli þetta próf sé!!!" Ég átti í fullu fangi við að halda mér í sætinu og reyna að halda fókus. Þetta var eitt erfiðasta próf sem ég hef farið í á ævinni.  og ég veit það líka fyrir víst að ég er skít-fallin og ef ég fæ 5 út úr þessu prófi þá er það EINGÖNGU vegna þess að kallinn (kennarinn) nennir ekki að hafa mig lengur og gefur mér fimmuna á staðnum . Þetta er ekki beint svona upphefjandi fyrir öll hin prófin sem á eftir eru.

jæja. Þýðir ekki að gráta þetta. Þar sem ég er að útskrifast má ég falla í 2 prófum og fá 3 í öðru þeirra til að mega taka það upp aftur. Svo ég býst við að eyða jólunum í enn meiri lestur .

until the next exam.......

bráðum koma blessuð jólin

Við vorum svo ótrúlega dugleg í gær að við tókum laufabrauð. Jebb einar 100 kökur. Duglegust var væntanlega Hólmfríður Sunna þar sem hún var orðin ansi snögg og gerði þetta lista vel . Það eina sem þurfti að gera var að "byrja" á einu laufi og svo gat hún byrjað og kláraði stundum á undan hinum. Hefur þetta í genunum .

Anna Þórunn vinkona er komin heim og ég sótti kjólinn til hennar. Auðvitað mátaði ég prinsessuna í kjólinn og hann var svaðalega flottur. Ég setti inn myndir af henni í kjólnum.

Nú er maður á kafi í prófa-undirbúningi. Er semsagt að fara í fyrsta stóra prófið mitt á mánudaginn...og svo er maður að fara út að borða í kvöld....bara kæruleysi!

Svo liggur þetta svo þungt á sálinni þessi próf að ég fékk martröð í nótt....dreymdi semsagt að ég væri í stærðfræðiprófi og svo þegar ég var búin að skila prófinu áttaði ég mig á því að ég hafði GLEYMT að leysa síðust blaðsíðuna sem var 40% af prófinu....úff....þetta var svakalegt. Vona að þetta hendi mig samt ekki

over and out.

fiskinn minn, nammi nammi namm

Það er ótrúlegt hvað maður getur verið hvumpinn suma daga. Sérstaklega þá daga sem maður er stút fullur af verkjum og leiðindum, þá má oft á tíðum lítið út af bera til þess að maður missi sig gjörsamlega!

Ég fór í Nóatún í gær í þeim tilgangi til að kaupa fisk í kvöldmatinn. Það er eitt af því sem maður verslar ekki í Bónus. Ég er þarna upp úr kl 18 í Nóatúni og var með litla skottið með mér. Ég fer að kjötborðinu og leita eftir númeri sem btw var ekki. sá að það var fínasta "fiskborð" og stend við það þar sem ég ætlaði mér að kaupa fisk  en uppröðunin þarna er nú svo skrítin að maður veit eiginlega ekki hvort maður er að koma eða fara. Eins og þetta er nú fínt þarna hjá þeim og snyrtilegt var ég hissa á því að það skuli ekki vera númerakerfi þarna eins og er á flestum öðrum stöðum. Anyway þá er uppröðunin þannig að lengst til vinstri er "take away" og svo kemur risa súla, því næst við hliðina á er kjötborðið, stórglæsilegt og svo kemur risa súla og svo kemur frekar lítið fiskborð sem var mjög snyrtilegt. Súlurnar skyggja verulega á borðin öll svo þess vegna hefði þurft að hafa númer. Ég bíð við fiskborðið og sé að strákurinn var að afgreiða annað fólk sem í raun hafði ekkert sérstaklega tíma til að versla því þau töluðu svo mikið saman að strákurinn náði varla sambandi. Þegar hann er rétt að verða búinn að afgreiða þau LOKSINS, kemur eldri maður þarna aðvífandi í sama mund og hann réttir fólkinu bakkann og fer þá strax að afgreiða manninn. Þar sem ég er einstaklega þolinmóð manneskja ákvað ég að sýna stillingu og færa mig bara að kjötborðinu til að vera VISS um að fá afgreiðslu bara næst. Þegar strákurinn er rétt að verða búinn með eldri manninn (að afgreiða sko) kemur kona að fiskborðinu. Ég leit á hana og vissi það að ÉG var á undan henni og allt það. Svo réttir strákurinn manninum bakkann og snýr sér við til að þurrka á sér hendurnar og gengur til konunnar við fiskborðið og býður henni aðstoð...... þá missti ég mig....ég varð reyndar svo reið að ég vissi ekki fyrr en ég æsti mig upp úr skónum . Talaði meira að segja svo hátt og skýrt að ég býst alveg við að þetta hafi heyrst um allan Hafnarfjarðarbæ. sagði HVAÐ ER ÞETTA HÉRNA. ER EITTHVAÐ FJANDANS NÚMERAKERFI HÉR EÐA HVAÐ????? Strákurinn sem var að afgreiða sagði alveg poll-rólegur nei, ekkert númerakerfi. ég aftur: HVERNIG Í VERÖLDINNI STENDUR Á ÞVÍ AÐ ÉG SÉ SNIÐGENGIN OG ÞAÐ TVÍVEGIS. ÉG ER SKO BÚIN AÐ BÍÐA HÉRNA NÓGU LENGI OG MÍN ÞOLINMÆÐI ER RUNNIN. ÉG VIL AFGREIÐSLU NÚNA. Strákurinn enn poll-rólegur: já, fyrirgefðu, ég tók bara ekki eftir þér, en hvað má þá bjóða þér? Þegar þarna var komið þá var nú mesta reiðin runnin og sérstaklega þar sem strákurinn sem virtist í fyrstu vera hálf "fokheldur" virtist mjög geðgóður og þægilegur drengur og hann missti aldrei stjórn á neinu þegar ég var sem verst. Ég sagðist vilja fisk! Svo leit ég á konuna sem hann var að byrja að afgreiða á undan mér og ef hún hefði getað hefði hún örugglega vilja láta sig hverfa á staðnum, hún leit í það minnsta ALREI í áttina til mín eftir þetta. Ég vorkenndi henni ótrúlega mikið og langaði svo að segja við hana að þetta hefði að sjálfsögðu ekki verið henni að kenna en ég lét það ógert. Strákurinn afgreiddi mig og var allan tímann mjög kurteis. Ég þakkaði honum svo fyrir og fór. Flýtti mér meira að segja að borga og út úr búðinni....átti alveg eins von á lögreglunni eftir þessar óspektir .

Þessi drengur fær rós í hnappagatið frá mér fyrir það eitt að halda ró sinni allan tíman og láta aldrei sjást nein svipbrigði  en ég fer ekki ofan af því að Nóatún ÞARF að hafa númerakerfi þarna svo fólk þurfi ekki að bíða endalaust. Það eru jú ekki allir jafn erfiðir og ég og segja sína meiningu

Þegar maður fer að hugsa til baka þegar ég var að vinna í grænmetinu í Hagkaup (salatbarnum) að þá var maður oft að vinna og einn vinnufélagi oftar en ekki var að "plokka" cherry tómata, hann henti einu og einu grænu dóti af tómötunum í mig. Stundum svaraði ég í sömu mynt en oftar en ekki ef ég var líka að tína þetta græna af þá safnaði ég þessu græna til hliðar, eitt fyrir hvert það sem hann henti í mig og svo þegar ég var komin með góða summu af þessu græna lét ég ALLT flakka í einu svo þetta dundi eins og hagglél . Ég hef jú alltaf geta svarað fyrir mig og stundum ögrar maður líka

Helga skapstóra