vangaveltur

Ég fór allt í einu að velta því fyrir mér hvað er í innkaupakörfu landans og úrvalið af því sem var í körfunni. Í einu af mínu þráhyggjuköstum fór ég að velta því fyrir mér hvað klósettpappír er dýr og hvað hann er mis drjúgur

Ástæðan fyrir þessu er sú að Sandra Dís er að selja pappír sem er svosem ekki til frásögu færandi nema að því að mér fannst þetta heldur dýr pappír. Ég fór að skoða umbúðirnar utan á pappírinn (wc pappírinn altso) og komst að ótrúlegri niðurstöðu.

í "kassanum" eru 48 rúllur og kostar það 3300kr. Ég ákvað að kafa aðeins dýpra því á umbúðunum stendur að það séu 360 blöð á einni rúllu (ég lofa, þetta stendur, ég taldi ekki sjálf). Hvert blað er 14cm langt svo ef ég margfalda þetta upp eru 50 metrar á rúllunni. Ef ég deili þessum 3300kr niður í þessar 48 rúllur útlegst rúllan á einar 68.75kr pr rúllu. Metrinn er þá á 1kr og 37 aura og ef við deilum enn lengra niður þá ætti hvert blað að vera á 19 aura! Þetta gæti þýtt að ég skeini mig fyrir eina krónu pr dag ef ég fer 2x á dag á klósettið!

Til að hafa samanburð þá fór ég í Fjarðarkaup í hádeginu í smá "leiðangur" (misjafnt í hvað fólk eyðir matartímanum sínum í). Ég komst að þeirri niðurstöðu að ef ég keypti Fjarðarkaups wc rúllur þá væru 12 rúllur í pakkanum (svo kallaður xxl pakkning) og kostaði sú pakkning 379kr og ef ég deili því í þessar 12 rúllur eru þetta einungis 31.58kr pr rúlla. En ekki er allt sem sýnist. Hvert blað var 14cm á lengd og á rúllunni voru 160 blöð sem gera 22metra af pappír á rúllu (ég taldi ekki í búðinni....). Metrinn er þá á 1kr og 43 aura og ef við deilum enn lengra niður þá ætti hvert blað að vera á 19 aura! Semsagt sama verð og á þessum "dýra" pappír. 

Svo skoðaði ég pappír sem heitir Andrex (með hvolpunum utan á) og voru 6 rúllur í pakkningunni og kostaði pakkningin 426kr. pappírinn var áfram 14cm hvert eyðublað og á rúllunni voru 230 blöð sem útleggst í 32metra rúllan.  Ef við leikum okkur aftur með tölurnar þá útleggst rúllan á einar 71kr og hvert eyðublað ætti því að kosta um 31 aur! Metrinn er þá á 2kr og 22 aura

Viðkoman á Andrex og þessum Katrin pappír sem SD er að selja er mjög svipuð. Verðmunurinn þarna á milli eru ein 60% sem ég er ekki að ná!

Þetta hljómar allt ótrúlega heimskt....en ef maður spáir í þetta þá getur maður sparað ótrúlegan pening á því að velta svona "smámunum fyrir sér.

Svo það sé á hreinu, þá erum við með til sölu hágæða wc og eldhúspappír. Gæði í gegn. Frí heimsending á höfuðborgarsvæðinu

Athugasemdir

[Eva Sigurrós Maríudóttir, 15.2.2007 kl. 09:53]

Heheheh

En hundapappírinn er svoooo mjúkur. hehe.

En annars reikna ég þetta út líka þó ég hafi nú ekki farið í að reikna út hvert blað, reikna út meterinn, hehe. Eg er alveg jafn skrítin og þú sko. hehe

[Eyrún Linnet (IP-tala skráð) 15.2.2007 kl. 14:20]

Gott að þið séuð að selja gæðapappír, ég þoli nefnilega ekki að þurfa að strjúka mínum mjúka bossa með sandpappír!!! Gerði einu sinni fyrir nokkrum árum þau mistök að kaupa af íþróttafélagi og ætlaði ALDREI að gera það aftur. Nú nokkrum árum seinna vorkenndi ég svo litla bróður að þurfa að selja þetta að ég keypti einn pakka, næstum búin að gleyma raunum mínum áður. Nú er ég hins vegar hætt og held bara áfram að kaupa dúnmjúka Andrex (allavega þegar þessi pakkning klárast endanlega, það dregst e-ð því við kaupum okkur alltaf mjúkan inná milli;))