koma svona mönnum í framtíðar betrunarvist

Það er ótrúlegt hvað mikil mannvonska ríkir í sumum. Svona menn á að vista lengur á einhverri betrunarvist. Hvað gerist þegar hann fer út í þjóðfélagið aftur? -Ætli hann endurtaki ekki bara leikinn aftur! Ekki vorkenni ég þessum manni ef hann endurtekur þennan leik að afplánun lokinni að einhver þeirra kvenna sem hann níðst aftur á einfaldlega komi honum sjö fetum neðar

Dæmdur aftur í fimm ára fangelsi fyrir nauðgun

Eru ekki ekki einhverjir karlmenn femínistar líka?

Þó svo að ég sé hrifin af bleiku er ég ekki viss um að ég vildi hafa bleika steina sem skraut inni hjá mér.

Þó svo að ég sé hlynnt því að hafa jafnrétti, finnst mér þetta samt stundum ganga út í öfgar

Níu þingmenn Norðvesturkjördæmis fengu bleika steina

komið úr skannanum

Ég fékk þær góðu fréttir að það var ekkert að sjá hjá Viktoríu minni úr þessum heilaskanna. Sem betur fer. Þetta er þá "bara" slæmt mígreni sem þarf að vinna með.

Skruppum norður um helgina til að skoða salinn fyrir væntanlegt brúðkaup og spjalla við ljósmyndarann. Eins og svo oft áður þegar maður fer norður þá er maður í át-veislu! Okkar beið grillað lambalæri hjá tengdó á föstudagskvöldið og svo matur hjá Helenu vinkonu. Skelltum okkur í "skóginn" í kaffi hjá vinafólki og svo var tengdó þar líka. Nóg að gera hjá okkur allavega.

Mættum svo í 3 ára afmæli litlu systur í gær. Svaka grillpartý, rosa fínt. Komum svo heim uppúr kl 22 og alveg búin í því. Nú þarf bara að vinna upp tapaða orku.

hann hljóp í veg fyrir hann

ég er sko sannfærð um að bíllinn hljóp í veg fyrir guttann.....alveg eins og ljósastaurar gera svona almennt

Ók torfæruhjóli á kyrrstæðan bíl

let´s party!

Svaka gaman hjá þessum krökkum. Ekki vildi ég vera foreldrið sem fær símhringinguna frá VR. Ég er alveg sammála því að herða lánin á bústöðum í 20 ára aldurstakmark og jafnvel láta skrifa undir "smáa letrið" að ef ekki verður gengið frá bústaðnum eins og viðkomandi fær hann eða eitthvað "óeðlilegt" fer úrskeðis, verður viðkomandi bústaðshafa gert að borga tjónið og hreinsun. Spurning hvort fólk almennt fari ekki að hugsa

Æla, notaðir smokkar og rotnandi matarleifar tóku á móti gestum

fólk er fífl

Það er margt skrýtið í kýrhausnum en þetta slær öll met. Hvað fær fólk til að gera þetta?? Ég ætla svo sannarlega að vona að lögreglan nái þessu fólki og það svipt ökuréttindum með þeim afleiðingum að þeir þurfa að fara í gegnum ökuprófið aftur  Þetta er ekki bara hættulegt þessum ökumönnum heldur einnig okkur hinum sem förum eftir lögum og reglum.

Hópur bifhjólamanna mældur á 174 km hraða

Biðin langa

Jæja, nú er Rósin mín búin í þessum skanna. Ég á ekki von á því að það komi neitt út úr því annað en bara þetta mígreni. En staðreyndin er sú að hvað sem kemur út úr þessu þá tekur maður því sem höndum ber og vinnur úr því.

Ég er búin að heyra í Dísinni minni líka. Versta martröðin okkar foreldranna rættist einnig með hana. Hún var sett í herbergi með stelpu sem hefur lagt hana í hrikalegasta einelti mannkynssögunnar undan farin misseri. Það getur ALDREI boðað gott. Það passaði líka, stelpan sem að mínu mati er dóttir Satans gerði í því að vekja hana um nóttina af kvikindisskap svo mín dama fór út úr herberginu og fékk að gista annarsstaðar þá nóttina. Það átti ekki að gefa þennan kálvitaskap eftir svo hún var látin sofa næstu nótt með henni líka. Stelpan fékk tiltal svo hún lét hana í friði næstu nótt.

Ég ákvað að hringja í einn fararstjórann og tala við hana og láta vita hvernig þetta hefur verið undan farin misseri. Hún fékk sjokk yfir því að hafa ekki vitað þetta og lofaði að fylgjast vel með og rapporta hina líka. Ég vona svo sannarlega að stelpan mín geti átt góðar stundir þarna úti og verið laus við stríðni og fordóma. Einhverjar þessara stelpna sem er með henni úti núna sögðu við hana fyrir nokkrum árum síðan að þær vildu óska þess að hún hefði dáið úr krabbameininu!!! Er það furða að ég sé hvekkt og pirruð og öll á varðbergi?!?! Maður bara spyr sig

AAAAAARRRRRG!

Ég get svo svarið fyrir það að ég var í manndrápsskapi í gær . Ég ákvað að vera ekkert að blogga fyrr en ég róaðist niður til að ná pínu sönsum.

Ég hringdi í vinkonu mína og ákvað að notfæra mér það að pabbi hennar er læknir. Bað hana um að spyrja hann út í Viktoríu. Ég lýsti þessu öllu saman fyrir henni og hún ætlaði að hafa samband við hann. Ég fæ svo fréttir nokkru síðar að ég ætti bara að fara með hana til læknis eins fljótt og auðið er. Ég ákvað að hlýða því og hringdi á Sólvang og bað um næsta LAUSA lækni, semsagt vildi fá tíma sem fyrst. Jú, ég fékk tíma 2 dögum síðar, gaf upp kennitöluna hennar en þá kom babb í bátinn. Hún hafði verði skráð á annan lækni sem væri hættur þarna og ég mætti einungis tala við þann lækni út af henni!!! Ég spyr hvort það sé VIRKILEGA þannig að ég MEGI ekki panta tíma hjá öðrum lækni þar sem EINHVER hefur tekið sér það bessaleyfi að skrá hana hjá ÖÐRUM lækni!!! Jú, kerlan í símanum taldi það vera þannig. Ég benti henni á að ég hafi ALDREI skráð hana hjá öðrum lækni og annað hvort hafa þær ákveðið að losa sig við hana eða einhver mistök hafa orðið þar sem ég hef ALDREI heyrt af þessum lækni áður. Hún sagðist ekki ætla að rífast við mig, svona væri þetta og nú yrði hún að slíta sambandinu. Með það var skellt á. Ég varð að sjálfsögðu arfa vitlaus yfir þessum  helv$%&/ meðferð á manni, maður er eins og kartöflusekkur sem er þeytt til og frá og komið fram við mann eins og annars flokks manneskju í þjóðfélaginu.

Ef einhver hefði veifað rauðri druslu fyrir framan mig hefði ég örugglega stokkið upp og stangað af fullum krafti, svo pirruð var ég. Ég ákvað að róa taugarnar og hringja þá á þennan stað sem þessi viðkomandi "heimilislæknir hennar" var með aðsetur og fékk ég tíma 2 tímum síðar. Ég fór með jákvæðu hugarfari.....eða dálítið blendnu....OK...ég skal viðurkenna það að ég fór með því hugarfarið að ef þessi manneskja hefði EITTHVAÐ misboðið mér, hefði ég misst mig við hana!!

Raunin varð sú að þessi læknir var svo indæl, hlustaði á okkar sögu og tók hana í mjög ítarlegt test. Við vorum alveg sammála því að þetta væri líklega bara mígreni sem hún væri með. Það er það sem ég vissi svosem en vildi líka vita hvernig best væri að tækla það þegar það kemur upp. Þegar hún heyrði svo að hún vaknar oft með dúndrandi höfuðverk fölnaði hún. Þá væri málið orðið alvarlegra og vildi fá hana í heilaskanna strax.  

Ég hef svo samband við skiptiborðið í Domus og daginn eftir fengum við tíma og það bara fyrsta tímann. Ég hef grun um að þegar beðið er um heilaskönnun, sé það sett í forgang vegna þess að hún gat ekki gefið mér tíma fyrr en hún var búin að taka niður beiðnina og hvað átti að skanna.

Semsagt kl 8:50 í fyrramálið fer hún í skannann. Ég hef nú grun um að þetta sé ekkert merkilegt, "bara" þetta mígreni...eða ég vona að það komi ekkert annað en það út úr þessu.

Until to morrow  Njótið veðurblíðunnar...það ætla ég að gera...