haltu....slepptu

Það er margt skrýtið í kýrhausnum.....

Einn daginn verður allt vitlaust ef konur ganga fáklæddar á götunum, þær kærðar hægri vinstri fyrir að ögra hinu kyninu með beru holdi. Svo koma einhver umhverfissamtök og þau mæla með nekt til að sporna við gróðurhúsaáhrifum  Er þá næst á dagskrá að útrýma feita fólkinu því það þarf meiri efnispjötlur en þeir sem eru með anorexíu!!

Hvar endar þetta??

Umhverfissamtök mæla með g-streng í jólapakkann

Allir í sturtu...eða bað...

Loksins eru sturtuhlífarnar komnar í sturta.is . Íslendingar eru svo kaup-glaðir að þegar síðasta sending kom, þá var auglýst í blöðunum og það skipti engum togum að það komu heilu hóparnir og keyptu sturtuhlífar svo allt varð uppurið í búðinni af bað hlífum (og þær áttu að endast í nokkra mánuði!) Það var engu líkara en að auglýsingin hefði hljómað þannig að allt var ÓKEYPIS, slík var ásóknin í baðhlífarnar

Nú er semsagt sendingin komin en ég ráðlegg þeim sem eru í þessum hugleiðingum á annað borð, að drífa sig á staðinn áður en allt klárast aftur.

 

haldið dauðahaldi

Hann virðist hafa bjargað sjálfum sér frá dauða með því að "halda dauðahaldi " í brettið! Hver hefði ekki gert það? Ótrúlegt að hann skuli lifað af......ennþá!

Lifði af 47 hæða fall

Ísland hvað!

Er þetta ekki þekkt hér líka? Bara nokkurskonar "sambúðarform" til að aðstoða við "innflutning"  Þó svo að sami einstaklingurinn geti ekki verið giftur svona mörgum í einu, þá er nóg af fólki til að redda hjónabandi gegn greiðslu.

Ákærð fyrir að vera gift tíu mönnum

Alveg ofboðslega frægur

Þegar ég kom heim í gær var húsið allt upp ljómað. Ég er eitthvað að fárast yfir þessu og þá sagði Stefán mér að ljósmyndari hefði komið heim til að taka myndir af Viktoríu.  Ég reyni að spyrja spjörunum út úr og fæ litlar aðrar upplýsingar en að ljósmyndarinn hefði komið heim að taka myndir. Ég fer inn til Viktoríu en hún var önnum kafin í símanum og hafði engan tíma til að tala við mömmuna sína. Loks næ ég sambandi við hana og þá segir hún mér að það sé að koma út blaðaviðtal á morgun með henni. Afhverju.....hmm...kannski vegna þess að hún er voða sæt stelpa (alveg eins og mamma sín ) nú er greinin komin út og er á bls 88 í 24 stundir . Ég verð nú bara að segja það að ég er nokkuð stolt af stelpunni minni...eins og svo oft áður  Nú er bara spurning hvort frægðin vaxi henni yfir höfuð og ég þurfi að panta viðtal við hana og jafnvel að fá eiginhandaráritun áður en það verður of seint

alltaf flottur

Mér finnst að Bubbi ætti að vera áfram í gallabuxum...hann er að mínu mati alltaf jafn flottur, sama í hverju hann klæðist. Ekki að sjá hann fyrir mér í hvítum smóking...nema hann sé að fara að gifta sig...já, kannski hann ætli að gifta sig á sviðinu...öllum að óvörum!! maður veit svosem aldrei hvað hann tekur sér fyrir hendur þessi töffari

Hér er hann bara flottur á sviði

Leitar að hvítum smóking handa Bubba

óvissu-uppskurður

Skemmtileg tilbreyting...fara í uppskurð og vakna með eitthvað allt annað en maður bað um upphaflega. Minnir óneitanlega á "lukkupakkana" sem voru svo vinsælir í Kolaportinu.....borgar fyrir einn og veit ekkert hvað pakkinn inniheldur. Í flestum tilfellum varð maður svekktur. Ætli þessi sjúklingur hafi ekki einnig orðið svekktur með sinn pakka

Eldur kviknaði í sjúklingi á skurðarborði

allt gert fyrir peningana

Ljósmyndarinn hefur greinilega haldið að þarna á ferð væri góð gróðrarleið fyrir sig. Ætli þurfi ekki meira til en að bara að horfa til að verða fyrir miklu tjóni...og ef maðurinn hefur lagt hendur á hann, er ég viss um að það hefur þá verið bara til að ýta honum frá!

Annars veit maður aldrei hvað fræga fólkinu gengur til og ómögulegt að segja til um nokkra skapaða hluti. Annars finnst mér Brosnan alveg afskaplega fjall myndarlegur gaur og tengir mann ósjálfrátt við Njósnara Hennar Hátignar ....skil ekki afhverju

Ljósmyndari í mál við Pierce Brosnan

Friðhelgi einkalífsins

Hvar dregur fólk mörkin? Mér finnst það með eindæmum hvað fólk getur verið athyglisjúkt. Ef ég ætti svipu, kynlífsleikföng, "outfit" svo eitthvað sé nefnt, myndi ég ekki kæra mig um að vera að útvarpa því. Þetta væri mitt einkamál sem engum nema mér og makanum kæmi við. Mörkin verða að vera einhverstaðar.

Kannski Sarah Harding sé á höttunum eftir meiri athygli...eða jafnvel fleirum sem tilbúnir væru til í að stökkva í bólið með henni, einhverjum til að taka upp myndband svipað og Pamela eða Hilton systur...hver veit....í raun kemur orðið ekkert á óvart í þessum heimi

Sarah elskar svipur

Samkynhneigð!

Ég hef alla tíð litið á Jodie Foster sem samkynhneigða manneskju. Ég hef ekkert út á samkynhneigða einstaklinga að setja og lít eiginlega bara upp til þeirra sem stíga út úr skápnum, óhræddir. Mér hefur alltaf fundist Foster vera svona "hinsegin" í öllum hennar myndum (sem ég hef séð), þess vegna finnst mér skrítið að heyra hennar staðfestingu fyrst núna! Hélt að þetta hefði verið opinberað fyrir mörgum árum síðan.

Batnandi fólki er best að lifa

Jodie staðfestir ástarsamband