.

Einhvernvegin datt kvöldmatur uppfyrir á þessu heimili og úr varð skyrboost á liðið...þetta sem var heima altso.

Ég sest niður með prjónana, kallinn farinn að vinna aftur, Sunnuskottið mitt heima og Dísin fagra að vinna svo við mæðgur urðum bara tvær eftir einar heima.

Í sjónvarpinu var sjónvarpskokkurinn hann Jói Fel og var bara alls ekki laust við það að maður hefði slefað yfir þessum girnilegu réttum sem maðurinn var með. Skyndilega mundi ég eftir því að ég átti svínapuru inn í ísskáp og datt það snilldar ráð í hug að elda kvikindið.

Ég fer inn í eldhús, græja puruna sem ég hef aldrei eldað áður og gerði bara ráð fyrir að þetta væri bara ekkert mál. Skelli ofninum á 265°C og fer svo inn að prjóna....já og horfa á Jóa Fel. Eftir ekki langa stund uppgötva ég það að það er komin alveg svakaleg þoka....INNI...svo ég HENDIST fram úr sófanum, inn í eldhús og þurfti bókstaflega að þekkja leiðina að ofninum til að geta slökkt á honum.

Ég kalla til Sunnu um að opna allt út eins og hún mögulega getur og hún hljóp að öllum hurðum og opnaði þær upp á gátt. Ég barðist við að slökkva í purunni í ofninum....BLINDANDI en í þeirri sömu andrá fer reykskynjarinn í gang með þvílíka hávaðanum.

Hann er beintengdur í Securitas svo ég vissi að síminn myndi hringja innan fárra sekúndna....en hávaðinn var svo mikill og reykurinn svo þéttur að það var ekki ein einasta leið að heyra hvar fja#$%&/ heimasíminn var!!!!

Hljóp um eins og hauslaus hæna að finna eitthvað til að búa til "vind" til að "ýta" reyknum í áttina ÚT því ekki var mögulegt að slökkva á skynjaranum öðruvísi þar sem hann er í hátt í 5 metra hæð.

Einhversstaðar heyri ég inná milli í símanum baula ásamt skynjaranum að væla svo ég leitaði vel að símanum, fann, hljóp út til að geta svarað. Securitas var á línunni...held ég...og ég sagði að ég væri að reyna að reykræsta sjálf...héldi að að ég væri búin að slökkva í ofninum en enginn eldur.... Gaurinn á línunni var ekki alveg sannfærður og vildi senda slökkviliðið til að reykræsta en ég náði að blíðka hann til....með adrenalínið í botni og allt á fullu.... Hann sagðist myndi senda slökkvilið ef skynjarinn þagnaði ekki innan x-margra sekúndna.... Þá fyrst hófst kapphlaupið við að þagga niður í HELV"#$%&!!!!!!

Með tómar töskur, handklæði og fleira lauslegt á fullu og allar hurðar notaðar sem viftur náðum við að þagga niður í skynjaranum.

Jói Fel búinn og Amazing Race byrjað.....en engin purusteik!!!!!

Er þá ekki bara málið að halda áfram að prjóna? 

Vinafólk okkar er mjög duglegt að bjóða okkur í heimsókn. Þau hafa gjörsamlega "ættleitt" þessa stuttu með hinum ýmsum gjöfum svo ekki sé talið allt sælgætið sem hann laumar að henni svo lítið beri á.

Stefáni mínum finnst þetta orðið ágætt...reyndar fyrir löngu og sama hvað hann tuðar í "kokkinum" vini okkar þá laumar hann bara til hennar svo lítið beri á meira gotterí.

Sunnu finnst hann náttúrulega ÆÐI svo ekki sé meira sagt því um daginn kom hann með fartölvu handa henni og gaf henni.....eða réttara sagt seldi henni og verðmiðinn var 30 kossar.

Við matarborðið í gær var umræða eins og svo oft áður og sagði Stefán við Sunnu að næst þegar við færum til "kokksins" og hann gæfi henni svona mikið nammi með heim þá myndi hann láta hana LABBA heim.

Þessi stutta svaraði hratt og örugglega;

þá borða ég bara meira hjá honum og þá þarf ég ekki að labba 

Yngsta dýrið mitt deyr seint ráðalaus.

Henni var skipað að þrífa búr dýranna inn í bílskúr en þar eru 2 naggrísir og ein kanína. Jú, hún samþykkti það og vippaði sér í hanska, greip viðunandi útbúnað sem hentar til þrifa á dýrabúrum og svo vissi ég ekki meira.

Skömmu síðar kemur hún fram og bardúsar eitthvað og ég spáði bara ekkert í því svo ég lét það eiga sig að athuga málið.

Svo kemur hún fram og segist vera búin að því sem hún átti að gera og var ég bara nokkuð sátt við það og hrósaði henni í hástert.

Daginn eftir þá er komið að því að ryksuga húsið og þegar Ólöf frænka kveikti á ryksugunni þá gaus upp þessi gríðalega skítafíla!!!!!!!!!!

Ef þetta heitir ekki að "redda sér" þá er sennilega ekkert sem fær það heiti 

Eitthvað hefur bloggletin gert var við sig undan farnar vikur...tja eða mánuði.Eins og kannski síðasta færsla lét í ljós þá VAR Viktorían mín ófrísk og eins og gefur að skilja þá hefur krílið litið dagsinsljós. Stúlkan lét sjá sig eftir tveggja vikna "framyfirgöngu" þann 8.7.2010 og var orðin ansi þreytt og næringarlítil sökum vannæringar og var hún einungis 10 merkur (2570gr) og 48cm.þann 22.8.2010 fékk hún svo nafnið Ásdís María og kom það öllum skemmtilega á óvart nafnavalið en þau skötuhjú hafa eflaust einhverja merkingu að baki nafnsins.

fyrsta klukkustundin í nýju lífi 

Viku gömul prinsessa hjá ömmu og afa

3 vikna prinsessa að fara í fyrsta baðið sitt heima hjá ömmu & afa

Auðvitað eru allir á þessu heimili sem og á fleiri heimilum alveg að rifna úr stolti af litlu prinsessunni sem er ótrúlega vær og góð. Ekki til eitthvað gubbu-vesen, sefur allar nætur, lætur aldrei í sér heyra og hefur ótrúlega þolinmæði þegar kemur að matartímanum.

Ef öll börn væru svona vær og góð þá yrði sprenging í fjölgun barna í öllum heiminum.

Svo eignaðist vinkona mín barnabarn degi á undan sem fékk nafnið Birna Lára og var hún um 15 merkur við fæðingu. Auðvitað gat maður ekki stillt sig og smellti nokkrum myndum af þeim saman.

Á þessum myndum eru þær 4 vikna og báðar farnar að brosa út að eyrum.

Frekar alvarlegar en pínu stærðarmunur....ekki mikill...bara aðeins :)

Skælbrosand stöllur

Við Viktoría heimsóttum svo lítinn frænda sem fæddist 13.8.2010 og var 2 vikna og Ásdís María þá 7 vikna.

Frændsystkina veif. Ungi herramaðurinn er 2 vikna og Ásdís María 7 vikna. Hann fæddist 17 merkur.

Það er nú ekki annað hægt en að brosa út í bæði yfir svona krúttlegum börnum. 

Hans Ingi og Laufey Svala eignuðust þennan prins en hann er 3 strákurinn á því heimili. 

Þann 22.8 var svo litla daman skírð. Aldrei heyrðist í dömunni sama hversu mikið var hnoðast með hana. Hún vakti nánast alla skrínina sína og þegar gestir fóru að tínast út þá pakkaði ég henni í mjúkt teppi og með það sama sofnaði hún vært.

Brosmild ung dama

í skírnarkjólnum sem ég prjónaði 2002 þegar Sunna fæddist.

Hamingjusöm lítil fjölskylda

Fallegar mæðgur

6 vikna prinsessa í Baby Born kerru Sunnu.

Bjútíbollan hennar ömmu sinnar

já, við erum öll voðalega stolt af litlu fjölskyldunni sem hefur hreiðrað um sig í lítilli stúdíó íbúð með litla krílið sitt. Birgir er í góðri vinnu, Viktoría nýtur lífsins í fæðingarorlofinu með Ásdísi Maríu og er dugleg að fara út að labba og heimsækja mömmu "gömlu".

Það er gaman að vera amma