í hreinskilni sagt.....

við mæðgur, þ.e. ég og Viktoría sátum saman í bílnum á leið í vinnu og skóla. Ég ætlaði, eins og venjulega að skutla henni í skólann og fara svo beint í vinnu.

Í leit minni að sumri sem engan árangur hefur borið hingað til ákvað ég samt að fara í gallajakka í stað einhverrar peysu/lopapeysu. Ég leita af jakkanum sem ég mundi eftir að hafa hengt inn í skáp þegar vetur konungur skall á fyrir nokkrum mánuðum síðan. Þennan jakka keypti ég í einhverri forlátri verslun í Kringlunni fyrir tveimur árum og finnst hann bara nokkuð móðins ennþá. Nema hvað að ég ætlaði að sýna Viktoríu minni að það er hægt að ganga í fötum oftar en 2x og eiga lengur en 1 mánuð!!

Eftirfarandi samræður áttu sér stað í bílnum á leiðinni.

ég: er ég ekki bara fín?

Viktoría: ha! ka meinarru (og hún renndi augunum yfir klæðaburð móður sinnar)

ég: nú...gallajakkinn...finnst þér hann ekki bara góður??

Viktoría: Jújú...alltílæ sosem

ég: Hann er sko orðinn TVEGGJA ÁRA GAMALL :D

Viktoría: sé það

ég: hvað meinar þú með því? finnst þér hann svona ljótur?

Viktoría: mamma, ég vil ekki móðga þig...hættum að ræða þetta!

þegjandi saman sátum við í bílnum og næstu orðaskipti voru einföld....

 

Bless!

 

 

Athugasemdir

[Lilja G. Bolladóttir, 4.4.2008 kl. 04:38]

Hahaha, þar fékkstu einn á snúðinn, eða hvað ?!  Þau geta nú verið ansi beinskeytt, þessi elskulegu kríli sem við ólum af okkur.

Ég man eitt sinn, þegar ég stóð fyrir framan spegilinn og virti mig fyrir mér. Minn, sem þá var líklega bara 6 ára stóð hjá, og ég sagði við hann: "Æ, æ, elskan mín, hvað mamma er orðin gömul og ljót." Hann klifraði upp á klósettið til að skoða mig almennilega og tilkynnti svo hátt og skýrt: "Mér finnst þú nú ekkert svo ljót...."    Vá, þú getur ímyndað þér, að aðeins hefur bæst við skorurnar í andlitinu síðan þetta var.....

Baráttukveðjur!!

[Gunnar Helgi Eysteinsson, 4.4.2008 kl. 07:33]

hahahahaha frábært svar.

[Linda Linnet Hilmarsdóttir, 5.4.2008 kl. 18:43]

Ég sendi þér bara knús elsku frænka í sárabætur,og vonandi verður helgin hjá þér góð elskan mín,ástarkveðjur linda frænka

[viktoría rós (IP-tala skráð) 7.4.2008 kl. 12:20]

heyrðu mamma mín, farðu nú að blogga eitthvað yfir þetta, vil ekki að allir lesi þetta  þú veist vel að ég elska þig hvernig sem þú ert