fólk er fífl!

að detta það til hugar að geta stungið lögreglu af hér á Íslandi  og það í gegnum Hvalfjarðargöngin þar sem eftirlitsmyndavélar eru. Nema hann hafi hugsað það þannig að hann fer svo hratt að hann sést ekki .

Ótrúlegt hvað það leynast margir svartir sauðir í umferðinni.

Ók á 150 km hraða gegnum Hvalfjarðargöng undan lögreglu

sól og sumar yl ;)

nú styttist heldur betur í Kúbuferðina stóru . Ég er farin að hlakka gífurlega mikið til. Fengum farseðlana í hendurnar rétt fyrir helgi og nú stúderar maður hægri vinstri hvað maður þarf að taka með sér. Þeir segja í bæklingnum að ef maður vill "tipsa" þernurnar á hótelinu er besta tipsið plástur og snyrtivörur , ég er ekki viss um að þernurnar hér heima myndu láta sér það nægja . Það sem er gott að taka með sér út og gefa eins og börnum eru blýantar, litir og litabækur. Ég ætla að versla e-ð svoleiðis og fara með út.

Eitt gott sem ég heyrði um Kúbu, verð að koma því að.

Þegar Atlanta flaug í fyrsta sinn út til Kúbu á einni breiðþotunni, með um 200 íslenska farþega. Einn af farþegunum ætlaði nú aldeilis að skoða Kúbu og sjá hana með öðru sjónarhorni en hinir. Hann settist upp í taxa og sagði við leigubílstjórann: "Viltu vera svo vænn og sýna mér e-ð mjög óvenjulegt hér á Kúbu, e-ð sem enginn ferðamaður sér". Bílstjórinn brosti sínu breiðasta og sagði að sjálfsögðu að það væri ekki mikið mál. Hann byrjaði að keyra og ók út á flugvöll og sagði svo við ferðalangann: "Sjáðu stóru þotuna þarna, þarna eru 200 milljónamæringar frá Íslandi". Aumingja íslendingurinn seig niður í sætið og sagði ekki meira þann daginn.

hafið góðan dag kæru landar

rjóminn

nú er "rjóminn" af jólunum búin. Á þessu heimili gekk þetta mjög vel. Allir voru sáttir við sitt og allar gjafirnar hittu í mark . Við gáfum stelpunum stóru iPod nano spilara sem að sjálfsögðu hitti vel í mark. Litla dýrið okkar fékk Pony hest í "göngugrind".

http://www.toysrus.com/product/index.jsp?productId=2297812&cp=&view=all&f=Taxonomy%2FTRUS%2F2254197&origkw=pony&kw=pony&parentPage=search

og ekki skemmdi að hún fékk lítinn pony frá frænda sínum í Fagraberginu . Sem betur fer var engin jólagjöf svona "hávaðagjöf"  aðeins eitt skartgripaskrín (unicorn) sem H.Sunna fékk og svo bangsi sem lætur frá sér fullt af hljóðum en hann var bilaður svo það var ekki hægt að kvarta undan hávaða í honum . Honum verður reyndar skipt um leið og búðirnar opna  ætli það verði ekki hávaði þá!

Ég fékk það sem ég vildi frá mínum manni, en ég fékk 4 daga ljósmyndanámskeið frá www.ljosmyndari.is Það verður spennandi að fara á það. Ég gaf mínum manni gæsadúnsæng frá Gæði og mýkt http://www.innmark.is/?item=91&v=item , hún hlýtur að vera ágæt því nóg kostaði hún

Ég fór svona í ganni að telja gjafirnar sem voru undir tréinu þegar mest var......já......og þær voru NÁKVÆMLEGA 61 (sextíu og ein) . Mér finnst þetta gríðalega mikið, veit ekki hvernig þetta eru á öðrum heimilum með svona mörg börn (ef mörg skal kalla)

setti inn nokkrar myndir.

kv Helga

góðir jólasveinar

Mér finnst þetta ÆÐI að "framarar" hafi gefið henni Þuríði litlu hluta af verðlaunaféinu í 1x2. Maður þekkir það svo sannarlega sjálfur hvað það er erfitt að eiga ekki aur til að reyna að sinna börnunum sínum. Það er alveg sama hvað maður ætlar sér að gera fyrir þau, það kostar ALLT. Bara það eitt að fara með börnin í húsdýragarðinn...já....það kostar sko 2000kr inn á svæðið fyrir 5 manna fjölskyldu. Svo kannski fá börnin e-ð smotterí í sjoppunni og það er annað eins. Þetta er sko fljótt að fara þegar maður horfir í aurinn.

Ég veit og trúi því að þau noti þennan pening til að gleðja börnin sín, því þegar maður gleður börnin sín, þá gleður það mann sjálfan að sjá hvað þau eru ánægð

Ef allir hugsuðu svona, þá væri lífið auðveldara.

jólaknús.

Gáfu fjölskyldu langveikrar stúlku af getraunavinningnum

biðraðir - martraðir

Það er með eindæmum hvað þetta gatnakerfi er ekki að bera þennan bílaflota hér í Reykjavíkinni. Maður getur ekki annað en hugsað um HVAÐ þessir einstaklingar sem hönnuðu þetta vegakerfi voru að HUGSA.....eða voru þeir ekki að hugsa???? Það þarf ekki að fara mjög langt til að sjá hvernig maður á að gera þetta. Þegar ég fór til Þýskalands í sumar sá maður NÁKVÆMLEGA hvernig þetta átti að vera. Það eina sem var ábótavant í þeirra menningu voru ljósastaurar! Það voru ENGIR ljósastaurar á hraðbrautunum. Þetta vandist líka alveg vegna þess að vegmerkingarnar voru líka fullkomnar og þurfti ekkert að setja út á það. En hér eru vegmerkingarnar þannig að ef þú átt að beygja til vinstri, þá segir skiltið til um það þegar þú ert alveg að komast framhjá þeim gatnamótum

Það er alveg ótrúlegt þetta veður sem búið er að vera. Ég sótti dóttur vinkonu minnar frá svíþjóð í Keflavík en stúlkan er 15 ára gömul og ætlaði að eyða jólunum hjá ömmu sinni og afa á Akureyri. Hún kom um kl 15 á völlinn og átti pantað flug kl 18:30 í Reykjavík til Akureyrar. Á leiðinni heim fór að hvessa ansi hressilega og var ég farin að sjá fram á það að stúlkan kæmist ekki heim til ömmu og afa fyrr en næsta dag. Það passaði, ekkert flug var svo hún gisti hjá okkur. Næsta dag var maður í startholunum og ætlaði að koma henni í flugið, fórum á völlinn um kl 13 þar sem við fengum beinar upplýsingar frá Akureyri að veðrið væri að hægja á sér. Hélt að ég væri voða tímanlega og allt það, en vá.....ekkert smá margt á vellinum. Stóðum í biðröð í 40 mín en það borgaði sig alveg. Allt í einu var tilkynnt að þeir ætluðu að fljúga norður og þá fóru líka einar 5 vélar í loftið á 30 mín. Stelpu greyjið komst loksins norður.

Ég fór yfir til mömmu í skötu í gær. Það var voða gott að smakka aðeins á skötunni. Svo fórum við Stefán aðeins í bæjarleiðangur. Fengum Viktoríu til að passa Sunnu en tókum Dísina með okkur í staðinn. Við vorum ótrúlega heppin með umferðina enda fórum við EKKI í Smáralindina eða Kringluna.

Ég óska ykkur gleðilegra jóla. Knúsið hvert annað og haldið friðinn. Ég er farin að hlakka til að sjá gleðisvipinn á börnunum mínum þegar þau taka upp pakkana. Eins er ég farin að fá vatn í munninn við tilhugsunina um dádýrið sem við ætlum að snæða í kvöld

jólakveðjur

Helga

aftur til fortíðar

Oftar en ekki miðar maður allt við hvernig þetta var í "gamladaga". Þegar ég var lítil var bara til svart/hvítt sjónvarp og engum fannst athugavert við það þar sem þeir þekktu ekkert annað. Svo kom litasjónvarp og maður var ekki með mönnum nema eignast litasjónvarp. Svo þróast þetta allt saman og 30 árum eftir að litasjónvörpin komu eru komnir á markað þynnstu sjónvörpin sem nokkur hefur séð (LCD). Auðvitað vilja flestir halda í við þróunina og eignast svona græju. Engum DETTUR það til hugar að reyna að nálgast stórt og klossað svart/hvítt sjónvarp!!!

Ég ætlaði í pósthúsið að ná mér í frímerki. Var á leiðinni að senda jólakort. Þegar ég nálgast pósthúsið í Firðinum í Hafnarfirði sé ég gríðarlega biðröð eftir afgreiðslu. Ég leit á biðröðina og hugsaði með mér að þetta væru ekki nema 15 manns á undan svo þetta hlyti að ganga skafið. Þegar ég var búin að standa í biðröðinni í 20 mínútur ÁN þess að stíga svo mikið sem EITT skref áfram var nú farið að renna á mig tvær grímur. Ég ætlaði að skjótast í matartímanum mínum til að ná í frímerki og einungis 10 mín voru eftir af þessum matartíma mínum svo ég sá fram á það að ég myndi ekki ná að vera BARA 30 mín í mat . þegar þessar 30 mín voru liðnar hafði röðin aðeins hnikast í "rétta" átt og einungis 5-6 manns voru á undan mér. Ég sá svo aðeins inn þar sem afgreiðslan fór fram og sá þar mér til mikillar furðu að fólk var að koma inn og út án þess að hafa staðið í röðinni. Ég er ekki sú þolinmóðasta þegar kemur að biðröðum og þegar er gengið framfyrir mig og læt í mér heyra þegar mér mislíkar e-ð. Það kom fyrst maður sem sagði e-ð við afgreiðslustúlkuna og hún hætti að afgreiða þann sem hún var að afgreiða, fór e-ð á bakvið, sótti dót og lét hann hafa. Mér fannst þetta ekki sniðugt, sér í lagi þar sem ég var búin að bíða í röðinni ansi lengi. Ekki leið á löngu þar til kona kom inn með "gulan" miða og fór framfyrir og rétti dömunni, samstundis fékk hún sömu meðferð og maðurinn og með það var hún þotin. Þegar þarna var komið var farið að sjóða á mér. Var harð-ákveðin í að láta í mér heyra EF þetta skyldi koma fyrir aftur.

Ég fór svo að fylgjast með afgreiðslunni þarna og veistu.....mér fannst stundum þetta lið sem var að afgreiða, vera einfaldega bara að bora í nefið á sér stundum, það vissi ekki hvort það var að koma eða fara! Til dæmis þá þurfti kona nokkur fóðruð umslög og strákurinn í afgreiðslunni HORFÐI á hana skrifa á ÖLL umslögin í stað þess að afgreiða næsta til að flýta fyrir. Ég var orðin svo kex brjáluð að ef einhver hefði sagt BÖÖÖH við mig hefði ég að öllum líkindum MISST MIG. dí hvað ég var orðin súrrandi brjáluð. Til að reyna að láta þetta fólk átta sig á þessu þá fór ég að tala upphátt um ÞJÓNUSTUNA þarna og benti manni á það í röðinni hvernig hefði mátt nánast eyða þessum biðröðum með því að HUGSA. Ég er farin að hallast að því að til að fá vinnu hjá póstinum þarf maður að þreyta próf og allt fyrir ofan 100 er fall!!!!!

Mér finnst þetta vera afturför miðað við hvað þetta var alveg ágætt fyrir ekki svo mjög löngu síðan

 

ef ég nenni!!

er það bara ÉG eða eru fleiri sammála því að asnalegasta jólalagið sem samið hefur verið er "Ef ég nenni" með Helga Björns?????

Ég í bókstaflegri merkingu ÞOLI EKKI LAGIÐ....hvaða FÍFL veit ekki hvort hann nennir að kaupa jólagjöf handa þeim sem hann/hún elskar  ég veit það eitt að minn maður væri í slæmum málum ef hann segðist ekki vita hvort hann myndi gefa mér jólagjöf eða ekki, færi eftir því hvort hann NENNTI því.

úff hvað þetta er pirrandi

allt hægt í ameríkunni!

útfrá þessari frétt fór ég að hugsa hvernig þetta gegnumlýsingartæki virkar. Ætli þetta sé svipað og röntgen geislarnir sem maður fer í við ákveðnar aðstæður eða er þetta e-ð öðruvísi??

Væri gaman að fá skýringu á þessu

Ungbarn sent í gegn um gegnumlýsingartæki fyrir handfarangur

Allt að gerast

Ég skellti mér á námskeið í kvöld hjá Hans Petersen. Það eitt og sér var gott og gilt en námskeiðið var haldið á Fiskislóð 75 Reykjavík. Það hefði svosem ekki verið saga til næsta bæjar nema að sveita stelpan á Álftanesinu var að fara á þetta heimilisfang í Reykjavíkinni og þar sem ég vissi nú alveg hvar Fiskislóð var átti þetta nú ekki að vera mikið mál . Ég mundi eftir X-18 sem var þarna á Fiskislóð X og mundi það að húsnúmerið þar var töluvert hátt svo ég GAT ekki villst!! Ég keyri Fiskislóðina og finn X-18 heildsöluna og sé það mér til mikillar ánægju að það hús var númer 81 svo 75 hlaut að vera ca 1-2 húsum lengra. Ég keyri að næsta húsi og það er bókstaflega ekkert merkt svo ég fer bakvið það og ekki finn ég nr 75 svo ég fer að húsinu þar við hliðina og það var heldur ekkert merkt svo það voru farnar að renna tvær grímur að ég hafi einfaldlega ekki tekið rétt eftir og hringi í Jóhann bróður til þess að fá frekari upplýsingar hjá honum um þessa Fiskislóð. Hann segir að þetta sé sama húsið og X-18 sé í nema austan megin! Ég fer þá aftur til baka til að athuga þetta "austan megin" en ég er sú áttavilltasta hér á þessari jörð, heppin að vita hvað snýr annarsvegar upp og hinsvegar niður. Ég fer að húsinu og horfi á þetta hús, þar er lagerhurð, vinstramegin við það var inngönguhurð sem tilheyrði lagernum svo ég kíkti hægra megin og þar voru "kokkarnir" með aðsetur svo þá var bara vinstri eftir....jú...ég sá glitta í Hans Petersen merki og þegar ég fór út úr bílnum og leit inn um glugga sá ég að þar INNI var merkt 75!!!!!  Naumast tilgangur með merkingunni og svo FÁRÁNLEGT að hafa húsið að framan 81 og SAMA húsið bara AUSTAN MEGIN 75.

Hallærislegt....og ekki furða að maður verði áttavilltur í Reykjavík

jólasveinarnir eru víða =o)

Ég bara VERÐ að segja frá því að við hjónaleysin fórum í gær með minnsta skottið og elsta skottið í gleraugnaleiðangur. Ég var búin að skoða á nokkrum stöðum og taka púlsinn á verðinu þar sem maður er þokkalega blankur svona rétt fyrir jólin og Stefán eina fyrirvinnan á þokkalega dýru heimili . Við enduðum svo á að fara í Gleraugnaverslunina Sjónarhól sem er á Reykjavíkurveginum í Hafnarfirði. Þar fundum við voða sæt gleraugu á þessa litlu með einhverskonar "flex" umgjarðir (hentugt fyrir 4 ára gamlan leikskólakrakka) og Viktoría ráfaði um búðina og skoðaði umgjarðir fyrir sig. Eftir frábæra þjónustu, fundu allir það sem þeir leituðu að og var ákveðið að fara og borga brúsann. Tvenn gleraugu voru á borðinu. Mikið rætt um eitt og annað og svo kom að upphæðinni . Óboj.....ég var með kvíðahnút í maganum, vitandi það að gleraugu eru ekki það ódýrasta sem maður kaupir. Jú, viti menn. 18.200kr kostaði "brúsinn" sjálfur. já, þú last rétt....ÁTJÁN ÞÚSUND OG TVÖHUNDRUÐ kostaði allur pakkinn með glerjunum og öllu!!! Svo ætlaði hún að hringja í okkur á hádegi daginn eftir til að fá þær í mátun . Semsagt, einn sólarhringur í bið ef allt gengi upp. Ef þetta heitir ekki að detta í lukkupottinn þá veit ég ekki hvað er að detta í lukkupottinn .

Þau í Sjónarhól frá mitt atkvæði hvað varðar þjónustulund, verð og gæði