Ég er fegurðardrottning og bros´í gegnum tárin....

Ólöf Helga frænka mín fór enn og aftur á stúfana með Viktoríu að taka myndir. Þarna fer saman góður ljósmyndari með auga fyrir hlutunum og svo yndislega fallegt módel. Þetta er hreint yndisleg sería af Viktoríu minni.

Endilega kíkið á Ólöf Helgu og skoðið myndirnar hennar.

Framtíðarmyndin með Arnold Swartznegger

Munið eftir bíómyndinni sem hann varð ófrískur...??? Flestir töldu þetta Framtíðar þriller....en þetta hefur sannast....þetta er hægt

Þungaður karlmaður

Afmælisprinsessan

Á þessum degi fyrir nákvæmlega sex árum síðan, fæddist lítil stúlka sem fékk nafn Hólmfríðar ömmu sinnar og seinna nafn frá sveitabænum Sunnuhlíð. Þetta er hún Hólmfríður Sunna prinsessa.

Litli púkinn minn kom hlaupandi til mín í morgun og bað um afmælisknús í tilefni dagsins. Rölti svo inn til systra sinna og bað um það sama frá þeim.

Uppáklædd fór svo daman í leikskólann, alsæl með lífið.

Eitthvað er heilsan að stríða mér þessa dagana og lenti ég í því í gær í Bónus að vera að setja ofan í kerruna þegar ég fann eitthvað smella í bakinu á mér með þeim afleiðingum að ég stóð föst, hálf bogin ofan í innkaupakerruna og gat mig hvergi hreyft. Gjörsamlega að sálast úr verkjum ákvað ég að færa mig aðeins til hliðar svo ég væri ekki í beinni sjónlínu eins og eitthvert gamalmennið, hálf bogin í baki. Eftir smá stund gat ég pressað mig til baka svo ég ákvað að fara og borga. Treysti mér ekki til að halda áfram. Vissi það að ég var ein að versla svo ég yrði í öllu falli að bera draslið sjálf út.

Ég ákvað að létta mér lífið eftir að hafa klöngrað öllu upp á færibandið að setja allt í kassa og fara með það þannig út í bíl. þetta tókst....á endanum og með því að bíta á jaxlinn kom ég öllu draslinu í bílinn....ég ætla ekki að ljúga því að það hafi ekki laumað sér niður tár!!!

Þar sem ég hef týnt heilsunni einhverstaðar og finn hana ekki aftur, þá verður eitthvað minna um afmælisgleði hjá stuttunni minni. Ég leyfði henni að bjóða vinkonum sínum úr leikskólanum og nágrenni í gleði í Smáralindinni á morgun. Hún var alsæl með þá niðurstöðu og svo mamma og pabbi sem koma til mín í mat í kvöld...svo lengi sem Stefán minn stendur við eldavélina. Auðvitað reynir maður eitthvað en miðað við hvernig nóttin gekk og hvernig ég er í dag.....held að ég treysti mér ekki í meira partý en það.

Þið hin sem vonuðust eftir risa sex ára partýi aldarinnar....Sorry...some other day!!

Er búin að lofa mér í heavy vinnu um helgina....verð að standa þá vakt....hvort sem mér líkar betur eða verr. Get bara ekki beygt mig, teygt mig eða gert aðrar æfingar

Hafið það sem best kæru lesendur. Hlakka til að knúsa litla skottið mitt....sem er allt í einu ekki svo lítil lengur

....og ég var þar :)

Við fengum boðsmiða á þessa "hátíð". Ákváðum að vera tvo daga til viðbótar á Akureyri til að sjá þetta hjá henni Siggu okkar.

Þessi kona sem á uppskriftirnar í bæklingnum er kjarnakona. Hún er hárgreiðslumeistari og vinnur sem slík. Þennan bækling kom hún á laggirnar og verð ég að segja að hún stóð sig rosalega vel og var öllum til sóma. Enda sóma kona þar á ferð

Hlakka til að sjá viðtökurnar á bæklingnum hennar. Ég er búin að smakka eitthvað úr honum og það sem ég hef smakkað var æði.

Kartöflunni kippt inn í 21. öldina

Gleðilega páska

Það er búið að vera hreint út sagt BRJÁLAÐ að gera hjá mér upp á síðkastið. Ég var mömmu stoð og styrkur í útförinni hans Ásgríms ásamt því að undirbúa ferminguna hjá Dísinni minni. Það hefur rosalega margt drifið á mína daga sem ég ætla ekki að tíunda hér, enda algjör óþarfi að ýfa upp sár.

Eins og gaf að skilja þá var mamma ekki mikill bógur í að undirbúa jarðaför svo ég mátti sjá um allt frá a til ö. Ótrúlegt hvað það er flókið að láta jarða einn einstakling!! En þetta hafðist allt á endanum og úr varð mjög falleg athöfn. Rosalega margir sem mættu. Ásgrímur var vinamargur enda átti hann ótrúlega auðvelt með að aðlagast öðru fólki og kynnast.

Ég er einnig hreint ótrúlega hissa hvað margir hafa sýnt okkur samúð sína með blómasendingum og/eða gjöfum. Ég er ótrúlega þakklát fyrir öll kertin, stjakana og blómin sem við höfum fengið frá ótrúlegasta fólki. Blakstelpurnar gáfu okkur rosalega fallegan kertastjaka úr gleri og konurnar á leikskólanum sendu okkur rosalega fallegt kerti með engli framaná. Sigga svila kom með blóm og kertastjaka sem var engill. Eyrún frænka og fjölskylda gáfu okkur "sorgar" bókina sem er yndisleg bók að lesa. Eins höfum við fengið rosalega mikið af blómum og vil ég þakka öllum þeim sem hafa hugsað svona hlýtt til okkar og sent okkur samúðarkveðjur. Þessi hlýhugur verður seint þakkaður.

Fór til gigtarlæknisins og þar var hann svartsýnn og taldi jafnvel að um brjósklos væri að ræða í hálsinum í kjölfar þessarar aftanákeyrslu sem gerir það að verkum að öxlin sé svona eins og hún sé. Fer í betra tékk fljótlega til að fá úr þessu skorið. Ef um brjósklos er að ræða, þarf ég að fara í aðgerð!!! FRÁBÆRT!!!! Ekki þýðir að vera að væla undan því þegar svona mikið gengur á eins og búið er að vera.

Fermingin gekk að óskum og nutum við öll dagsins, ekki síður fermingabarnið sjálft. Stelpan mín er ótrúlega flott og myndarleg og ég var að rifna úr stolti af henni. Ég setti inn fullt af myndum úr veislunni sem var haldin heima.

Mánudagurinn var kistulagning og tók það verulega á. Stóru stelpurnar mínar komu líka og stóðu sig hreint frábærlega miðað við aðstæður. Viktoría mín skrifaði kveðjubréf til Ása og Dísin lét barmmerki sem hún bjó til sjálf með í kistuna til hans. (barmmerkið var mynd af krossi og með trú, von og kærleika merkjunum allt í kringum krossinn)

Miðvikudagurinn var svo jarðsungið og ákváðum við að fara með þessa stuttu áður en athöfnin yrði að leyfa henni að koma og kveðja afa sinn, sjá kistuna og allt það. Fórum með hana í gæslu aftur á meðan athöfnin væri. Auðvitað var þetta erfitt fyrir hana líka en hún fékk allavega að kveðja og sjá kistuna. Stefán vildi að við færum strax eftir erfidrykkjuna norður og þar sem ég var algjörlega búin á því, vildi hann að ég myndi fljúga með Sunnu og hann kæmi keyrandi norður með stelpurnar. Ég ákvað að þiggja það eftir langa mæðu því mér fannst ekkert að því að keyra með honum norður í 5 tíma...en ákvað að vera skynsöm og þiggja þetta.

Einn frændi minn var nú svo orðheppinn í erfidrykkjunni þessi elska og sagði að ég væri letiHLUNKUR að fara fljúgandi...hefði kannski sætt mig við letiDÝR því eins og einhverjir vita að þá er það dálítið viðkvæmt að vera kallaður hlunkur þegar maður á við "smá" offituvandamál að stríða!!. En ég veit að hann meinti vel svo ég ákvað að brosa að þessu...enda ekki annað hægt.

Nú er maður í heilsulindinni fyrir norðan og lætur fara vel um sig hjá tengdó. Fórum á leikritið Fló á skinni og vorum á snjósleða í gær í Víkurskarði með fullt af skemmtilegu fólki í hreint frábærðu veðri. Stefnan var tekin á Kaldbak í morgun með snjótroðara upp...og auðvitað var ég vopnuð myndavélinni eins og svo oft áður. Fengum hreint út sagt frábært veður, algjör stilla og sólskin. Ekki laust við að maður sé orðin útitekin.

 Until later...... 

sársaukinn

Ég vissi ekki að væri til svo mikill sársauki að manni finnst maður ekki standa uppréttur á eftir.

Þannig hefur mér liðið undanfarna 6 daga. Hnúturinn í maganum virðist ekkert ætla að minnka. Ég veit að það er ekki hægt að forðast dauðann en þegar svona ungt fólk eins og fósturfaðir minn var, þá finnst manni dauðinn vera óréttlátur.

Ása minn hef ég þekkt frá því ég man eftir mér fyrst. Ótrúlega skemmtilegur maður. Honum fylgdu alltaf svo góðir straumar. Alltaf var hann tilbúinn að hlaupa til ef einhvern vantaði aðstoð, það var sama hver var. Okkur reyndist hann góður og rosalega góður við "barnabörnin" sín. Ekki síður reyndist hann góður vinur hans Stefáns. Þeir náðu rosalega vel saman og ýmislegt sem þeir brölluðu í gegnum árin. Skarðið sem hann skilur eftir sig er svo stórt að manni finnst að það muni aldrei gróa. Ég veit að þetta er erfitt eins og er og mun vera erfitt næstu mánuði og jafnvel ár.

Ég er að fara að ferma Söndru Dís á sunnudaginn. Þessi undirbúningstími hefur verið afskaplega erfiður sérstaklega þar sem móðir mín hefur átt rosalega erfitt og er enn í losti yfir því að aldrei aftur mun Ási koma inn um dyrnar. Ég hef reynt að vera mömmu til handar en ég er með takmarkað loft í mínum kútum og því miður þá er loftið að þrotum komið. Ég reyni að halda höfði en það virðist vera ótrúlega erfitt. Sérstaklega á Dísin mín erfitt því hún var með Ása þetta kvöld sem hann lést.

Ég er ótrúlega tóm innra með mér. Finnst dagarnir líða hægt. Minningarnar streyma inn algjörlega óumbeðnar. Það gerir þetta enn erfiðara.

Aldrei hefur mér dottið til hugar að ég þyrfti að sjá um jarðaför einhvers náins einstaklings. Nú hef ég staðið botnlausa vakt við að ákveða eitt og annað. Sjá um allt sem við kemur jarðaför. Þetta hefur verið rosalega erfiður tími hjá okkur.

Litla skottið mitt sem gjörsamlega dýrkaði Ása afa teiknaði mynd handa honum. Myndin er ótrúlega táknræn. Ég vissi ekki að hún gerði sér svona grein fyrir þessum hlutum en þar skjátlaðist mér.

Efri myndin sýnir Ása vera að fljúga upp til himna. Neðri myndin átti að sýna Ása í kistunni sinni og allt dökkt í kring. Veit ekki hvort það sé heillvænlegt að láta mömmu hafa þá mynd!! Efri myndin á samt að fara í kistuna til Ása...ég lofaði henni að láta hann hafa myndina áður en hann færi til englanna.

Hnúturinn lagast ekkert í maganum. Lystaleysið er mikið en ég veit að ég þarf að standa í fæturna fyrir börnin. Dísin mín verður að eiga ánægjulegan fermingardag. Ég legg allt í sölurnar fyrir það.

Eigið ánægjulega helgi. Ekki gleyma að halda utan um hvort annað og láta ástvini vita hversu mikið þið elskið þá. Lífið er ekki sjálfsagt.

Ástin kveikir ljós sem varir að eilífu. - www.zedrus.is

 

Þar sem englarnir syngja sefur þú.

 

Þar sem englarnir syngja sefur þú.

Sefur í djúpinu væra.

Við hin sem lifum, lifum í trú.

Að ljósið bjarta skæra.

Veki þig með sól að morgni

Veki þig með sól að morgni

 

Drottinn minn faðir lífsins ljóss.

Lát náð þína skína svo blíða.

Minn styrkur þú ert mín lífsins rós.

Tak burt minn myrka kvíða.

Þú vekur hann með sól að morgni.

Þú vekur hann með sól að morgni.

 

Faðir minn láttu lífsins sól.

Lýsa upp sogmætt hjarta.

Hjá þér ég finn frið og skjól.

Láttu svo ljósið þitt bjarta.

Vekja hann með sól að morgni.

Vekja hann með sól að morgni.

 

Drottinn minn réttu sorgmæddri sál.

Svala líknarhönd.

Og slökk þú hjartans harmabál.

Slít sundur dauðans bönd.

Svo vaknar hann með sól að morgni.

Svo vaknar hann með sól að morgni.

 

Farðu í friði vinur minn kær.

Faðirinn mun þig geyma.

Um aldur og ævi þú verður mér nær.

Aldrei skal ég þér gleyma.

Svo vöknum við með sól að morgni.

Svo vöknum við með sól að morgni.

 

Svo vöknum við með sól að morgni.

Svo vöknum við með sól að morgni.

Ásbjörn Kristinsson Morthens

Kom huggari, mig hugga þú

Kom, huggari, mig hugga þú,

kom, hönd, og bind um sárin,

kom, dögg, svala sálu nú,

kom, sól, og þerra tárin,

kom, hjartans heilsulind

kom, heilög fyrirmynd,

kom, ljós, og lýstu mér,

kom, líf, er ævin þver,

kom, eilífð, bak við árin.

sacer-Sb. 1886-Valdimar Briem

misskilningur

Undan farin tvö ár (ef ekki meir) hef ég sett inn nýtt "Gull úr smára" á "skilaboðalínuna" á MSN hjá mér. Þessa málshætti eða Gull úr smára finn ég á vefsíðu sem heitir zedrus.

Dagurinn hjá mér byrjar á því að ég fer á þessa vefsíðu og afrita öllu jöfnu þriðja efsta málsháttinn en ástæðan fyrir því að ég tek þriðja efsta er sú að ég vil geta átt val um annan ef það er mjög langt spakmæli sem er þann daginn. Stundum lengist þessi listi og stundum styttist. Ég er aldrei með sama spakmælið 2x.

Ég veit um þó nokkra sem bíða eftir næsta spakmæli í þessum glugga á hverjum degi. Það er bara ágætt. Mér finnst þetta mjög gaman og ekkert verra en að skrifa eitthvað persónulegt í þennan reit.

Allir þessir málshættir eða spakmæli eru svona "random", aldrei hef ég lagt einhverja merkingu til minna vina, kunningja eða ættingja. Hver og einn getur túlkað þetta spakmæli eins og hver vill.

Ef svo óheppilega vill til að einhver málshátturinn á vel við einhvern, hvort sem það er af hinu góða eða slæma, þá á ég engan þátt í því annan en þann að þetta var/er tilviljun.

Ef einhver er ósáttur við þessi spakmæli er gott að hafa samband beint við eigendur zedrus síðunnar og skammast í þeim.

Aldrei hef ég viljað nokkrum manni eitthvað illt. Ég frekar legg allt í sölurnar til að halda friðinn. Því biðst ég afsökunar ef einhver spakmælin hafa komið illa við kaunin á einhverjum

Spakmæli dagsins í dag eru:

Ef þú berð virðingu fyrir öðrum uppskerðu virðingu annarra.

Að búa til barn. !!!

Jónas og frú gátu ekki eignast barn svo þau ákváðu að fá sæðisgjafa til að koma af starta fjölskyldu. Daginn sem "sæðisgjafinn" átit að koma í heimsókn, kyssti Jónas konuna sína  bless og sagði "jæja, elskan, ég er þá farinn í vinnuna, maðurinn kemur fljótlega."

Hálf tíma síðar, er fyrir tilviljun, barnaljósmyndar, staddur í hverfinu hennar og hringir á bjöllunni í þeirri vona að fá verkefni.  Góðan daginn frú, sagði hann, ég er komin til að....... "Ó, þú þarft ekkert að útskýra sagði Jóna feimnislega, ég átti von á þér.  Í alvöru, sagði ljósmyndarinn. Nú það er ánægjuleg, vissirðu að börn eru mín sérgrein??    Ja, það er nú akkúrat það sem við hjónin vorum að vonast eftir.  Gjörðu svo vel og komdu inn á fáðu þér sæti.  

Eftir smástund sagði hún, vandræðalega, "hvar byrjum við?"   "Láttu mig bara sjá um allt.  Ég byrja yfirleitt  í baðkarinu, svo á sófanum og loks nokkrar á rúminu.  Stundum er meira að segja stofugólfið heppilegast, það er hægt að teygja svo vel úr sér það "

"Baðkarið, stofugólfið, hugsaði Jóna,  Engin undra að þetta gekk ekkert hjá okkur hjónum -  

"Já, frú mín góð, ég get ekki lofað fullkomnum árangri í hvert skipti, en ef við notum mismunandi stellingar og ég skýt frá mismunandi sjónarhornum, þá þori ég að lofa að þú verður ánægð með útkomuna."  

Vá, það er aldeilis mikið sagði Jóna með andköfum.  

"Frú mín góð, í mínu starfi verður maður að gefa sér góðan tíma í hlutina. Ég mundi gjarnan vilja skjótast í þetta en ég er viss um að þú yrðir ekki ánægð með útkomuna. "

Ætli maður kannist ekki við svoleiðis, tautað Jóna lágt. Ljósmyndarinn dró upp nokkur sýnishorn af barnamyndum og benti Jónu á árangurinn.

"Mér tókst sérstaklega vel til með þessa tvíbura sagði ljósmyndarinn, eins og mamma þeirra var þó erfið".  -  

"Var hún erfið, spurði Jóna ?"

"´Ég er nú hræddur um það. Ég varð að fara með hana í lystigarðinn til að ná að ljúka verkinu vel.  Fólk safnaðist að og fylgdist með.

"Fylgdist með? sagði Jóna og gapti af undrun"

- og þetta tók í allt 3 tíma. Móðirin hrópandi og kallandi allan tímann - ég gat varla einbeitt mér, svo þegar það byrjaði að dimma varð ég að gefa í, en það var ekki fyrr en  íkornarnir voru farnir að narta í græjurnar þá varð ég að hætta og ganga frá.

Jóna hallaði sér fram og sagði "voru þeir í alvöru farnir að narta í .... græjurnar?  

Þetta er alveg satt frú mín góð.  

"Jæja ef þú ert tilbúin þá ætla ég að gera þrífótinn kláran "

ÞRÍFÓTINN???

"Ó já, frú Jóna. ÉG verð að nota þrífót "to put my Canon on, It's much too big to be held in the hand very long."  

ÞAÐ STEINLEIÐ YFIR FRÚ JÓNU.